नयाँ इन्स्टा३६० एक्स५ क्यामरा अनावरण

काठमाडौं ।

गत वर्ष, इन्स्टा३६० ले एक्स४ लेबलको साथ आफ्नो पहिलो ८के ३६० डिग्री क्यामरा प्रस्तुत गरेको थियो। कम्पनीले अब त्यसको उत्तराधिकारीको रुपमा एक्स५ मोडेल ल्याएको छ।

इन्स्टा३६० एक्स५ले ठूलो सेन्सर, एआई–संचालित लो–लाइट मोड, राम्रो वाटर रेसिस्टेण्ट र ठूलो ब्याट्री समावेश गरेको छ।

इन्टरचेन्जेबल लेन्सहरू उक्त दुई मोडेलहरु बीचको महत्त्वपूर्ण भिन्नता भएको बताइएको छ जसले गर्दा स्क्र्याचको समस्या घरमै समाधान गर्न सकिने टेलिग्राफले रिपोर्ट गरेको छ।

एक्स५मा रहेको १/१.२८–इन्च सेन्सरहरू एक्स३ र एक्स४को १/२–इन्च सेन्सरहरू भन्दा १४४ प्रतिशतले ठूलो भएकोले तिनीहरूलाई बढी प्रकाश क्याप्चर गर्न मद्दत गर्नेछ।

पियोर भिडियोले एआई प्रविधि प्रयोग गरेर लो–लाइट अवस्थाहरूमा नोइज रिडक्सन (आवाज घटाउने) र डायनामिक रेञ्ज अप्टिमाइजेसन प्रदान गर्नेछ।

एक्टिभ एचडीआर अब ५.७के ६०एफपीएस सम्म काम गर्दछ। नयाँ क्यामराले ५एनएम एआई चिप र दुई प्रो इमेजिङ चिपहरू मिलेर बनेको ट्रिपल एआई चिप प्रणाली प्रयोग गर्दछ।

कुल मिलाएर, यसमा अघिल्लो मोडेलको तुलनामा १४० प्रतिशत बढी कम्प्युटिङ पावर उपलब्ध छ।

भिडियो रेकर्डिङ मोडहरू भने धेरै हदसम्म एक्स४ को जस्तै छन्। उच्चतम मोड ८के ३०एफपीएस रहेको छ भने ५.७के रिजोल्युसन (एक्स४ को लागि १०० एफपीएस) मा ६०एफपीएस रेकर्डिङ उपलब्ध रहेको छ।

पियोर भिडियोले ८के ३०एफपीएस सम्म काम गर्दछ र ५.७के ले पनि ३०एफपीएस मा काम गर्ने (६० एफपीएस नभइ) बताइएको छ।

छोटो भिडियो रेकर्ड गर्न र सामाजिक सञ्जालमा पोस्ट गर्न चाहनेहरूका लागि, नयाँ इन्स्टाँफ्रेम मोडले दुईवटा भिडियो रेकर्ड गर्ने बताइएको छ।

उक्त दुई भिडियो रेकर्ड मध्ये एउटाले नेटवर्कहरूमा द्रुत पोस्टिङको लागि अनुमति दिने बताइएको छ जसले विषयलाई फ्रेमको केन्द्रमा राख्ने यो निश्चित दिशामा “फ्ल्याट” भिडियो वा अटो-ट्र्याकिङ भिडियो भएको उल्लेख गरिएको छ।

दोस्रो भिडियो रेकर्ड ५.७के ३०एफपीएस सम्मको पूर्ण ३६०–डिग्री भिडियो भएको बताइएको छ जुन प्रयोगकर्ताले म्यानुअल रूपमा पुनः फ्रेम गर्न सक्ने छन्।

इन्स्टा३६० एक्स५ एक मोडेल आईपी६८ स्ट्याण्डर्ड वाटर (पानी) र डस्ट (धुलो) प्रतिरोधी भएको बताइएको छ जसको विशेष केस बिना १५ मिटरसम्मको गहिराइमा पानीमा डुबाउन सकिने उल्लेख गरिएको छ।अघिल्लो मोडेल भने १० मिटरको गहिराइसम्म पुग्न सक्ने बताइएको छ।

त्यसैगरी डिभाइसमा नयाँ विन्ड गार्ड स्टील मेष सुरक्षा पनि समावेश गरिएको छ भने सुधारिएको एल्गोरिदमले विण्ड नोइज (हावाको आवाज) कम गर्नेछ।

इन्स्टा३६० ले एउटा सानो वायरलेस माइक्रोफोन पनि बिक्रीको लागि उपलब्ध गराएको छ जुन कपडामा क्लिप गर्न सकिने छ। यो माइक्रोफोनमा एक साधारण रिमोट कन्ट्रोल फङ्गसन पनि रहेका छ। यस बाहेक तीन मिटरको “इनभिजिबल सेल्फी स्टिक” पनि समावेश गरिएको टेलीग्राफले उल्लेख गरेको छ।