विश्वको पहिलो १०जी नेटवर्क चीनले आफ्नो हाई–टेक सिटी सियोङआनमा विस्तार गर्यो

काठमाडौं ।

चीनले भर्खरै विश्वको पहिलो १०जी ब्रोडब्यान्ड नेटवर्कको साथ इन्टरनेटलाई पूर्ण रूपमा नयाँ स्तरमा पुर्याएको र हाई–टेक सिटी (उच्च–प्रविधि शहर) सियोङआनमा सुरु गरिएको छ।

ह्वावे र चाइना युनिकमद्वारा सञ्चालित यो ५०जी–पीओएन प्रविधिले द्रुत गतिको इन्टरनेट पहुँच प्रदान गर्ने प्रतिज्ञा गर्दछ भने यसले इस्ट्याण्ट मुभि डाउनलोडदेखि ल्याग–फ्रि क्लाउड गेमिङसम्म कनेक्टिभिटीलाई पुनः परिभाषित गर्न सक्ने उल्लेख गरिएको छ।

भोलिका स्मार्ट शहरहरू निर्माण गर्ने दिशामा चीनको साहसिक कदमः

बेइजिङबाट ७० माइल दक्षिणपश्चिममा रहेको आधुनिक सहर सियोङआन, अत्याधुनिक प्रविधिको लागि चीनको परीक्षण स्थल हो र यसको योजना राष्ट्रपति सी जिनपिङको विचार अन्तर्गत सन् २०१७ मा बनाइएको थियो। अब, यहाँ उपलब्ध १०जी ब्रोडब्यान्ड नेटवर्कमार्फत प्रति एमएसएन, प्रति सेकेन्ड १० गिगाबाइटको डाउनलोड गतिमा पुग्न सकिने बताइएको छ। यसको मतलब तपाईं एक सेकेन्डमा नै विशाल चलचित्र फाइल डाउनलोड गर्न वा हिकप बिना ८के भिडियो स्ट्रिम गर्न सक्नुहुनेछ।

यो केवल अवरोध बिना नेटफ्लिक्स हेर्नको लागि मात्र नभइ यो १०जी नेटवर्कले सेल्फ–ड्राइभिङ कार सिस्टम्स, इमर्सिभ भीआर/एआर स्पेस, र सबै कुरालाई एकसाथ जोड्ने स्मार्ट सिटी प्रविधि जस्ता रोमाञ्चक सम्भावनाहरूको लागि अनुमति प्रदान गर्ने बताइएको छ।

यो एआईको लागि एक बुस्ट भएको बताइएको छ, जसले निर्बाध डाटा प्रवाहको साथ लार्ज ल्याङ्गवेज (ठूला भाषा) मोडेलहरूलाई शक्ति प्रदान गर्दछ। सियोङआनको “१५–मिनेटको जीवन सर्कल” डिजाइनले बासिन्दाहरूलाई छोटो पैदल दूरीमै पसल र आराम गर्ने ठाउँहरू फेला पार्न सक्ने कुराको सुनिश्चित गर्दछ, जसले यसलाई उच्च–गतिको रोलआउटको लागि उत्तम ठाउँ बनाएको उल्लेख गरिएको छ।

सियोङआनको १०० अर्ब डलरको निर्माणले मानिसहरूलाई आकर्षित गर्न नसकेको र कतिपयले यसलाई निजी क्षेत्रको लगानीको चर्चाको अभाव भएको भूत शहर भनेका छन् भनि ब्लूमबर्गले रिपोर्ट गरेको छ।

तैपनि, चीनले प्रविधि दौडमा नेतृत्व लिन कडा मेहनत गरिरहेको र यो १०जी नेटवर्क देशव्यापी रूपमा विस्तार गर्ने लयमा रहेको बताइएको छ। संसार अझै फाइभजी सँग नजिकिँदै गर्दा, सियोङआनले भने हामीलाई हाइपर–कनेक्टेड भविष्यको झलक दिइरहेको छ।

यो आफ्नो काल्पनिक प्रचारमा खरो उत्रन्छ वा शान्त प्राविधिक प्रदर्शनमा रहन्छ भन्ने कुरा समयले मात्र बताउनेछ भनि गीज्मोचाइनाले उल्लेख गरेको छ।