Technology Khabar २८ चैत्र २०८१, बिहीबार
काठमाडौं ।
नेपाल टेलिकममा कार्यरत कर्मचारीहरुको संस्था नेपाल दूरसञ्चार राष्ट्रिय कर्मचारी सङ्गठन (एनटीईएएन) को ३५ औं वार्षिकोत्सव मनाएको छ।
उक्त कार्यक्रममा सरकारको स्वामित्वमा रहेको संस्था नेपाल टेलिकममा पुनर्ताजगी ल्याउनुपर्ने आवश्यकता रहेको वरिष्ठ उपाध्यक्ष कृष्ण प्रसाद ज्ञवालीले बताए।
उनले नेपाल टेलिकममा हाल कार्यरत कर्मचारीहरुमा नैरश्यता छाएको भन्दै उनले वृद्धि विकास र अवसरबाट वञ्चित तथा सेवा सुविधा वृद्धि हुन नसकेको कारणले गर्दा कर्मचारीहरुमा उत् प्रेरणा नरहेको गुनासो गरे।
संस्थाले संसोधनको क्रममा रहेको विनियमावली यही आर्थिक वर्षभित्र पास भएर आउनु पर्ने माग राख्दै त्यसो नभएको खण्डमा संगठनले कडा कदम चाल्न सक्ने चेतावनी अर्का वक्ता तेज बहादुर शाहीले दिए।
कार्यक्रममा एफटीटीएच बिस्तार बढाउनुपर्ने, सप्लाई चेन म्यानेजमेन्टलाई व्यवस्थत गर्नुपर्ने लगायतका विषयहरुमा धारणा राखिएको थियो।
यसैगरी रिचार्ज कार्ड अभाव हुने समस्या र त्यसको गुणस्तरको बारेमा पनि प्रश्न गरिएको थियो।
कम्पनीका निमित्त प्रबन्ध निर्देशक सविना मास्केले टेलिकमले अहिले विषेश रुपमा फोरजीको विस्तार तथा सिम वितरण, एफटीटीएचको विस्तार तथा वितरण बारे उल्लेख गरिन्। मास्केले एसपीडी कस्टमर केयर (ग्राहक सेवा) तथा एसपीडी अपरेसन एण्ड मेन्टेनेन्स (सञ्चालन तथा मर्मतसम्भार) का साथै फाइबर तथा वायरलेस अथवा वायर लाइनबाट हरेक पालिकसम्म पुग्ने कार्यक्रम रहेको जानकारी दिईन्।
प्रकाशित: २८ चैत्र २०८१, बिहीबार
