Technology Khabar ६ चैत्र २०८१, बुधबार
काठमाडौं ।
सामसङ इलेक्ट्रोनिक्सले अप्रिल ७ तारिखमा वान यूआई ७ को आधिकारिक रुपमा लन्च हुने घोषणा गरेको छ जसले प्रयोगकर्ता अनुभवको अधिक अनुकूलन र नियन्त्रणको लागि बोल्ड डिजाइन ल्याउने उल्लेख छ।
वान यूआई ७ ले एआईको लागि निर्मित नयाँ इन्टरफेस प्रस्तुत गर्नेछ जसले ग्यालेक्सी डिभाइसहरूसँग अन्तक्र्रियालाई पहिले भन्दा बढी प्राकृतिक बनाउने बताइएको छ।
अपडेटसुरुमा ग्यालेक्सी एस२४ सिरिज, ग्यालेक्सी जेड फोल्ड६ र जेड फ्लिप६ को लागि उपलब्ध हुनेछ, भने बिस्तारै धेरै ग्यालेक्सी स्मार्टफोन र ट्याब्लेटहरूमा विस्तार हुँदै जाने उल्लेख गरिएको छ।
वान यूआई ७ एक सरल, प्रभावशाली र भावनात्मक डिजाइनको साथ आउनेछ जसले ग्यालेक्सी प्रयोगकर्ताहरूको लागि एकीकृत र सुधारिएको अनुभव प्रदान गर्ने बताइर्एको छ।
सरलीकृत होम स्क्रिन, पुनः डिजाइन गरिएको वान यूआई विजेटहरू र होम स्क्रिनले प्रयोगकर्ताहरूलाई सहज र निर्बाध रूपमा आफ्ना डिभाइसहरू अनुकूलित गर्न अनुमति दिनेछ।
गुगल जेमिनीको उन्नत एकीकरणले गर्दा डिभाइस नियन्त्रण गर्नु साथीसँग च्याट गर्नु जत्तिकै सजिलो हुने टेलीग्राफले उल्लेख गरेको छ।
प्रकाशित: ६ चैत्र २०८१, बुधबार
