आईओएस १८.२ को आधिकारिक रोलआउट सुरु

काठमाडौं ।

एप्पलले आफ्नो आईओएस १८.२, आईप्याडओएस १८.२ र म्याकओएस सेकोइया १५.२ अपडेटहरू विश्वभरका प्रयोगकर्ताहरूलाई धेरै ठूला थपहरू सहित रोल आउट गरेको छ।

साथै यसमा एप्पल इन्टेलिजेन्स सुइटको विस्तार समावेश छ। यद्यपि एप्पल इन्टेलिजेन्स सुइट फेरि एक पटक अंग्रेजी बोल्ने देशहरूकमा सीमित रहेको उल्लेख छ।

प्रयोगकर्ताहरूले इमेज प्लेग्राउन्ड, जेनमोजी र इमेज वान्ड इन नोट्सको साथ एआई इमेज जेनेरेसन फिचर्स (उत्पादन सुविधाहरू) को पहिलो सेट प्राप्त गर्ने बताइएको छ।

आईओएस १८.२ आईफोन एक्सएस÷एक्सआर र नयाँका लागि उपलब्ध छ भने एप्पल इन्टेलिजेन्स सुविधाहरू आईफोन १५ प्रो र नयाँ डिभाइसहरूमा सीमित रहेको उल्लेख छ।

एप्पल इन्टेलिजेन्सले अष्ट्रेलिया, क्यानडा, आयरल्याण्ड, न्यूजील्याण्ड, दक्षिण अफ्रिका र यू.के. को लागि स्थानीयकृत अंग्रेजी समर्थन समावेश गर्न उपलब्ध भाषाहरू पनि विस्तार गर्ने उल्लेख गरिएको छ।

एक पटक अद्यावधिक भएपछि, आईओएस १८.२ प्रयोगकर्ताहरूले नयाँ इमेज प्लेग्राउन्ड एप प्राप्त गर्नेछन् जसले तपाईको आफ्नो फोटोहरूमा भएका व्यक्तिहरूको शैलीकृत एआई इमेजहरू सिर्जना गर्न अनुमति दिनेछ।

साथै प्रि–मेड प्रम्प्टहरूका साथ इमेजहरू कम्बाइन गरेर वा एआईलाई कस्तो इमेज सिर्जना गर्ने भनेर वर्णन गर्न सकिने बताइएको छ। एप्पलले हाल एनिमेसन र इलस्ट्रेसन गरी दुई शैलीहरू प्रदान गर्दछ। साथै इमेज प्लेग्राउन्डमेसेजेज एप पनि एकीकृत गरिएको छ।

जेनमोजीले इमोजी किबोर्डबाट सिधै टेक्स्ट प्रम्प्टमा आधारित कस्टम इमोजीहरू सिर्जना गर्न अनुमति दिने उल्लेख गरिएको छ। आईओएस १८.२ र १८.१ का प्रयोगकर्ताहरूले टेक्स्टरूमा तपाईंको जेनमोजी लाई सामान्य इमोजीको रूपमा हेर्न सक्षम हुने बताइएको छ भने आईओएस वा एन्ड्रोइडको अघिल्लो संस्करणहरू भएकाहरूले केवल इमेज (तस्बिर) प्राप्त गर्नेछन्।

एप्पलले सिरीमा च्याटजीपीटी एकीकरण पनि ल्याउने बताइएको छ जसले तपाईले यसको एप नखोली ओपनएआई को च्याटबटबाट सोधिएका प्रश्नहरूको जवाफ सीधै प्राप्त गर्न सक्नुहुनेछ।

च्याटजीपीटी एकीकरणलाई आईओएसको प्रणाली–व्यापी राइटिङ टुल्समा पनि विस्तार गरिएको छ जसले तपाईंलाई विशेष टोन र स्वरमा इमेल र सन्देशहरू द्रुत रूपमा ड्राफ्ट गर्न दिनेछ। सबै च्याटजीपीटी सुविधाहरूले तपाईंको आफ्नो च्याटजीपीटी खातामा साइन इन नगरि काम गर्ने बताइएको छ।

भिजुअल इन्टेलिजेन्स आईफोन १६ सिरिजका लागि एउटा विशेष फिचर भएको र यसले क्यामरा कन्ट्रोल बटनमा लामो थिचेर तपाईंको वरपरका वस्तुहरू खोज्न र पहिचान गर्न अनुमति दिने उल्लेख गरिएको छ।

एक पटक ट्रिगर भएपछि भिजुअल इन्टेलिजेन्सले वस्तुहरू पत्ता लगाउन, टेक्स्ट (पाठ) लाई संक्षेप गर्न र कपि गर्न, विभिन्न भाषाहरू बीचमा अनुवाद गर्न र काम गर्ने घण्टा, फोन नम्बरहरू र इमेल ठेगानाहरू जस्ता प्रासंगिक जानकारीहरू पत्ता लगाउन सक्ने उल्लखे गरिएको छ।

साथै भिजुअल इन्टेलिजेन्स गुगल र च्याटजीपीटीसँग पनि एकीकृत हुने र यसले गर्दा प्रयोगकर्ताहरूले ती प्लेटफर्महरूमा आफ्नो खोज जारी राख्न सक्ने बताइएको छ।

आईओएस १८.२ का अन्य ट्वीकहरूमा थप कन्ट्रोल सेन्टर टगल्स, डिफल्ट मेल एपको लागि वर्गीकृत फिल्टरहरू, फोटो एप भित्र पुनः डिजाइन गरिएको भिडियो प्लेयर र प्रणाली–व्यापी भोल्युम लिमिट समावेश रहेको छन्। ईयू प्रयोगकर्ताहरूले अब क्यामरा, फोटो, मेसेजेज, सफारी र एप स्टोर जस्ता सिस्टम एपहरू मेटाउन सक्ने जीएसएमएरिनाले उल्लेख गरेको छ।