युरोपेली संघद्वारा रोमानियाको चुनावसँग सम्बन्धित डाटा फ्रिज गर्न टिकटकलाई आदेश

काठमाडौं ।

ईयू अधिकारीहरूले ब्लकको कम्प्रिहेन्सिभ डिजिटल सर्भिसेज एक्ट अन्तर्गत “रिटेन्सन अर्डर” जारी गरेको छ। डिजिटल सर्भिसेज एक्टले विश्वका सबैभन्दा ठूला सामाजिक मिडिया कम्पनीहरूले युरोपमा कसरी काम गर्छन् भनेर नियमन गर्दछ।

रुसी समर्थक कालिन जर्जेस्कुले नोभेम्बर २४ मा राष्ट्रपतिको दौडको पहिलो राउन्डमा जित हासिल गरेपछि संयुक्त राज्यले रोमानियाको चुनावमा सम्भावित विदेशी हस्तक्षेपको बारेमा चिन्ता व्यक्त गरेको दिनमा यो कदम चालिएको बताइएको छ।

गत आइतवार रोमानियाको संसदीय चुनावमा अति दक्षिणपन्थी दलहरूले पनि राम्रो प्रदर्शन गरे तापनि सत्तारुढ वामपन्थी सोशल डेमोक्र्याटहरू सबैभन्दा ठूलो पार्टीको रूपमा उभिएको र सँगै ईयू समर्थक गठबन्धन सरकार बनाउने आशा राखेका छन् भनि टेलीग्राफले उल्लेख गरेको छ।

रिपोर्ट गरे अनुसार, रोमानियाली सुरक्षा अधिकारीहरूबाट आएका अवर्गीकृत कागजातहरूले जर्जस्कुलाई कोअर्डिनेट एकाउण्टहरू, रिकोमेन्डेसन एल्गोरिदमहरू र पेड प्रमोसन मार्फत टिकटक प्लेटफर्ममा व्यापक रूपमा प्रचार गरिएको देखाएको बताइएको छ।

कागजातहरूले रोमानिया “आक्रामक रूसी हाइब्रिड आक्रमण” को लक्ष्य भएको सुझाव दिएको उल्लेख छ।

रुसले भने रोमानियाको चुनावी अभियानमा कुनै पनि प्रकारको हस्तक्षेप अस्वीकार गरेको छ।

यदि जर्जस्कुले यो आइतवारको मतदानमा विजयी भएको भएको खण्डमा भने उनले रोमानियालाई एक्लो पार्ने र यसको ईयू समर्थक दृष्टिकोण परिवर्तन गर्ने प्रयास गर्ने सम्भावना छ भनि विश्लेषकहरू र कूटनीतिज्ञहरूले बताएको टेलीग्राफले उल्लेख गरेको छ।