एप्पलको पहिलो फोल्डेबल आईफोन फ्लिप नभई फोल्ड हुने अफवाह

काठमाडौं ।

फोल्डेबल स्मार्टफोन बजारमा बहुप्रतीक्षित एप्पलको पहिलो फोल्डेबल आईफोनको डेब्यू नजिक आउँदै गरेको र सन् २०२६ को उत्तरार्धमा सम्भावित लन्चको सम्भावनाको बारे अफवाहहरूले सुझाव दिएको छ।

प्रारम्भको अनुमान भने सामसङ ग्यालेक्सी जेड फ्लिप जस्तै क्ल्यामशेल डिजाइन तिर झुकेको थियो। यद्यपि, डिस्प्ले उद्योग विशेषज्ञ रस यङ्गबाट आएको भर्खरको तथ्यले भने फरक दिशामा संकेत गरेको उल्लेख छ।

फोल्डेबल आईफोनले एप्पलको बिक्री मन्दीलाई बचाउने सम्भावना 

एप्पलको पहिलो फोल्डेबल आईफोनमा ग्यालेक्सी जेड फोल्ड सिरिज जस्तै ठूलो, बुक–स्टाइल फर्म फ्याक्टर फिचर हुने सम्भावना रहेको यङ्गले उल्लेख गरेका छन्। साथै सामसङको ग्यालेक्सी जेड फोल्ड लाइनअपमा देखिएको बढ्दो लोकप्रियताझैं यो परिवर्तनले ठूला फोल्डेबल डिभाइसहरूमा बढ्दो उपभोक्ता चासोसँग मेल खाने बताइएको छ।

फोल्डेबल बजारमा एप्पलको प्रवेशको समय महत्वपूर्ण हुने उल्लेख गरिएको छ। यस क्षेत्रले विगत केही वर्षहरूमा स्थिर वृद्धिको अनुभव गरेको छ भने सन् २०२३ र सन् २०२४ मा थोरै मन्दी देखिएको छ। एप्पलको आगमनले बजारमा नयाँ जोस ल्याउनुका साथै नयाँ प्रयोगकर्ताहरूलाई आकर्षित गर्न र नवप्रवर्तनलाई प्रोत्साहित गर्न सक्ने बताइएको छ।

ठूलो फर्म फ्याक्टरसहितको फोल्डेबल आईफोनले एप्पललाई आफ्नो डिजाइन एक्सपर्टिज (विशेषज्ञता) र सफ्टवेयर अप्टिमाइजेसन सोकेस (प्रदर्शन) गर्न अनुमति दिनेछ र जसले सम्भावित रूपमा हालको फोल्डेबलहरूले भन्दा सहज प्रयोगकर्ता अनुभव प्रदान गर्ने दावी गरिएको छ।

यसबाहेक कम्पनीको यस्तो डिभाइसको प्रिमियम मूल्य निर्धारणले एप्पलको राजस्व र नाफालाई पनि उल्लेखनीय रूपमा बलियो बनाउन सक्ने थप उल्लेख गरिएको छ।

हाल, फोल्डेबल बजारमा सामसङ, गुगल, वनप्लस र ह्वावे जस्ता एन्ड्रोइड उत्पादकहरूको प्रभुत्व रहेको र तिनीहरू सबैले फङ्गसनेलिटिमा प्रगति गरेका छन्। यद्यपि, डिभाइसहरूको उच्च मूल्यहरू बजारको हालको स्थिरतामा योगदान गर्दै व्यापक अपनाउनको लागि बाधक बनेको उल्लेख छ।

एप्पलको प्रवेशले फोल्डेबल बजारको वृद्धि ३० प्रतिशतले बढाउन सक्ने र त्यसपछि २० प्रतिशतको वार्षिक वृद्धि हुने विश्लेषकहरूले अनुमान गरेका छन्। यदि राम्रोसँग कार्यान्वयन गरिएको खण्डमा भने एप्पलको पहिलो फोल्डेबल आईफोनले फोल्डेबल बजारलाई पुनः परिभाषित गर्न र उद्योगलाई यसको विकासको अर्को चरणमा धकेल्न सक्ने सम्भावना रहेको उल्लेख छ।

यस बीचमा, एप्पलले सन् २०२५ मा बहुप्रतीक्षित आईफोन १७ एयर सहित आईफोन १७ सिरिज लन्च गर्ने तयारी गरिरहेको छ। अहिलेसम्मको सबैभन्दा पातलो आईफोनको रूपमा चिनिएको यो डिभनइसले स्लीक र आधुनिक डिजाइनका लागि नयाँ बेन्चमार्क सेट गर्ने अपेक्षा गरिएको गीज्मोचाइनाले उल्लेख गरेको छ।