Technology Khabar २२ मंसिर २०८१, शनिबार
काठमाडौं ।
गत सोमबार अमेरिकी राजनीतिज्ञ अलेक्जान्ड्रिया ओकासियो–कोर्टेज (एओसी) को प्रोफाइल ब्लुस्काईमा एक मिलियन फलोअर्स भएको पहिलो व्यक्तिगत खाता बनेको छ।
यो डिसेन्ट्रलाइज्ड (विकेन्द्रीकृत) प्लेटफर्मले अमेरिकी चुनावपछि वृद्धि देखेको र तीन महिना भित्र यसको युजर बेस तीन गुणाले बढेको छ।
अलेक्जान्ड्रिया ओकासियो–कोर्टेजले इलन मस्कको एक्स प्लेटफर्मको बारेमा “ट्विटर अब रमाईलो नभएको र आफूलाई मन नपर्ने प्लेटफर्ममा सहभागि हुनको लागि कसैलाई पनि बाध्य नभएको हुनाले मानिसहरूले ट्विटर छोड्दैछन्। यो कुनै अनौठो कुरा होइन।” भनेर लेखेसँगै यसको लोकप्रियता बढेको उल्लेख गरिएको छ।
अलेक्जान्ड्रिया ओकासियो–कोर्टेज ब्लुस्काई प्लेटफर्मको चुनाव पछिको बृद्धि हुनुभन्दा धेरै अघिदेखि ब्लुस्काई प्लेटफर्ममा सक्रिय रहेको उल्लेख छ। साथै सन् २०२३ को अप्रिलमा प्लेटफर्ममा सामेल भएदेखि उनको ४३० भन्दा बढी पोष्टहरू रहेको देखिएका छन्।
“ब्रोंक्स र क्वीन्सका लागि वेट्रेसबाट कांग्रेसनेतृ बनिन्” उनको प्रोफाइल विवरणमा उल्लेख गरिएको छ।
प्रेस समयमा लगभग १७ मिलियन फलोअरहरूका साथ ब्लुस्काई आफ्नो प्लेटफर्ममा सबैभन्दा लोकप्रिय खाता बनेको छ। त्यसैगरी अलेक्जान्ड्रिया ओकासियो–कोर्टेजको एक मिलियन भन्दा बढी फलोअरहरूसहित नेटवर्कमा व्यक्तिहरू मध्ये सबैभन्दा धेरै प्रयोगकर्ताहरू भएको थप उल्लेख गरिएको छ।
त्यसैगरी ८६० हजार भन्दा बढी फलोअरहरू भएका जर्ज टेकी र ८०० हजार भन्दा बढी फलोअरहरूका साथ मार्क ह्यामिल अलेक्जान्ड्रिया ओकासियो–कोर्टेजको सबैभन्दा नजिक रहेको टेलीग्राफले उल्लेख गरेको छ।
प्रकाशित: २२ मंसिर २०८१, शनिबार
