एक महिनामा ३ अर्बभन्दा बढीको स्मार्टफोन नेपाल भित्रियो

काठमाडौं ।

काठमाडौं ।

नेपालमा स्मार्टफोनको आयात बढ्दो क्रममा रहेको देखिएको देखिएको छ। भन्सार विभागले हालै सार्वजनिक गरेको असोज मसान्तसम्मको वैदेशिक व्यापारको तथ्यांक अनुसार नेपालमा स्मार्टफोन आयात क्रमश: बढ्दै गएको देखिन्छ।

चालु आर्थिक वर्ष २०८१/८२ को तेस्रो महिना अर्थात् असोज मसान्तसम्म जम्मा ९ अर्ब ८३ करोड २८ लाख ९८ हजार रुपैयाँ बराबरको स्मार्टफोन आयात भएको छ। यस अवधिमसम्म उक्त रकम बराबरको ६ लाख ५५ हजार ६३१ थान स्मार्टफोन आयात भएको हो।

एक महिनाअघि अर्थात् भदौ मसान्तसम्म ६ अर्ब ७९ करोड ८१ लाख ५८ हजार रुपैयाँ बराबरको ४ लाख ५४ हजार ९५८ थान स्मार्टफोन आयात भएको थियो। तुलनात्मक हिसाबले हेर्दा भदौ मसान्तदेखि असोज मसान्तसम्मको एक महिनाको अवधिमा नेपालमा ३ अर्ब १२ करोड ४७ लाख ४० हजार रुपैयाँ बराबरको २ लाख ६७३ थान स्मार्टफोन आयात भएको तथ्याङ्कले देखाएको छ।

गत आर्थिक वर्ष २०८०/८१ को भदौ मसान्तसम्म ५ अर्ब ३६ करोड  ५२ लाख ११ हजार रुपैयाँ बराबरको ३ लाख ६६ हजार ४८१ थान स्मार्टफोन आयात भएको थियो।

चालु आर्थिक वर्षको असोज मसान्तसम्म सरकारले स्मार्टफोनको आयातबाट जम्मा १ अर्ब ८३ करोड ३५ लाख ३७ हजार रुपैयाँ राजश्व संकलन गरेको छ। अघिल्लो महिनाको मसान्तसम्म सरकारले स्मार्टफोन आयातबाट १ अर्ब २५ करोड ८ लाख ५६ हजार रुपैयाँ आम्दानी गरेको थियो।

असोज मसान्तसम्मको अवधिमा नेपालमा विश्वका विभिन्न ४५ मुलुकबाट स्मार्टफोन भित्रिएको भन्सार विभागको तथ्यांकमा देखिन्छ। तर तीमध्ये केही मुलुकबाट व्यावसायिक हिसाबले ठूलो परिमाणमा र धेरै मुलुकबाट व्यक्तिगत प्रयोजनका लागि १० भन्दा कम थान स्मार्टफोन आएको पाइएको छ।

नेपालमा सबैभन्दा धेरै स्मार्टफोन चीनबाट आउने गरेको छ। असोज मसान्तसम्ममा पनि ९ अर्ब ८३ करोड २८ लाख ९८ हजार रुपैयाँमध्ये चीनबाट ६ अर्ब ३५ करोड ७३ लाख १५ हजार रुपैयाँ बराबरको ४ लाख ७३ हजार ४०८ थान स्मार्टफोन आयात भएको छ।

भारतबाट असोज मसान्तसम्म जम्मा ९ अर्ब ८३ करोड २८ लाख ९८ हजार रुपैयाँमध्ये ३ अर्ब ३३ करोड ९४ लाख ८३ हजार रुपैयाँ बराबरको १ लाख ८० हजार ७४२ थान स्मार्टफोन आएको भन्सार विभागको तथ्यांकमा देखिन्छ।

यस्तो छ विवरण:

अधिक परिमाण (३ अंकदेखि माथि)

मध्यम परिमाण (२ अंकसम्म)

न्यून परिमाण (१ अंकमा सीमित)