दुई हप्ताको ढिलाईपछि क्रू-८का चार अन्तरिक्ष यात्री पृथ्वीतर्फ प्रस्थान, शुक्रबार आइपुग्ने आकलन

काठमाडौं ।

स्पेसएक्स को क्रू-८ का चारजना अन्तरिक्ष यात्री अन्ततः अक्टोबर २३ का दिन अन्तरराष्ट्रिय अन्तरिक्ष स्टेशन  आईएसएसबाट पृथ्वीतर्फ प्रस्थान गरे। उनीहरु प्रस्थान गर्नुअघि २ हप्ताभन्दा बढी समय मौसममा खराबी आएको थियो।

स्पेसएक्स क्रू ८ का लागि एन्डेभरका नामले चिनिने ड्रागन यान उक्त दिन  अपराह्न ५:०५ बजे ईडीटी (२१:०५ जीएमटी) मा अन्तर्राष्ट्रिय अन्तरिक्ष स्टेशन (आईएसएस) बाट अलग भयो। उक्त समयमा दुई यानहरू प्रशान्त महासागरको २६० माइल (४१८ किलोमिटर) माथि उडिरहेका देखिएको स्पेस डटकमले उल्लेख गरेको छ।

उक्त दिन उडेको क्रू-८ शुक्रबार अक्टोबर २५का दिन बिहान ३:३० बजे ईडीटी (०७:३० जीएमटी) मा फ्लोरिडाको तटको पानीमा अवतरण गर्ने अपेक्षा गरिएको छ।

नासा ले नासा+ मा यो घटनालाई प्रत्यक्ष प्रसारण गर्नेछ। पानीमा आएकोपछि बिहानको समयमा एक पत्रकार सम्मेलन आयोजना गर्ने योजना रहेको छ।

क्रू-८ लाई आईएसएसबाट अलग गर्ने प्रक्रिया तटीय क्षेत्रमा मौसम खराब भएका कारण गत ७ अक्टोबरदेखि ढिलाइ भएको थियो। हरिकेन मिल्टनले ९ अक्टोबरमा फ्लोरिडामा आक्रमण गर्यो र नासा को केनेडी स्पेस सेन्टरलाई अत्यावश्यक कर्मी बाहेक सबैका लागि अस्थायी रूपमा बन्द गरिदिएको थियो।

क्रू-८का अन्तरिक्ष यात्रीमा नासा का म्याथ्यू डोमिनिक, माइकल बारेट, र जिनेट इप्स र रूसको अन्तरिक्ष एजेन्सी रोसकोसमोसका अलेक्सान्डर ग्रेबेनकिन रहेका छन्। यी अन्तरिक्ष यात्रीहरूले ३ मार्चमा स्पेसएक्स फाल्कन ९ रकेटमा प्रक्षेपण गरेर ५ मार्चमा आईएसएसमा उत्रिएका थिए।

क्रू-८ स्पेसएक्स ले आईएसएसमा प्रक्षेपण गरेको आठौं लामो अवधिको नासा/रोस्कस्मस अन्तरिक्ष यात्री मिसन हो। यो मिसनको राहत टोली क्रू-९ आगामी २९ सेप्टेम्बरमा नासाका निक हेग र रोसकोसमोसका अलेक्सान्द्र गोर्बुनोभसँगै कक्षमा पुगिसकेका छन्।