यूटेलस्याटले स्पेसएक्सको रकेटमार्फत् प्रक्षेपण गर्यो मर्जरपछिको पहिलो स्याटलाइट समूह

आम्दानीका आधारमा विश्वको तेस्रो ठूलो उपग्रह सञ्चालक यूटेलस्याटले आइतबार आफ्नो सञ्चार नेटवर्कको लागि इलन मस्कको स्पेसएक्समार्फत २० वटा उपग्रह प्रक्षेपण गर्यो। यो प्रक्षेपण दुई युरोपेली कम्पनीहरूको गत वर्षको मर्जरपछि पहिलो कदम हो।

स्पेसएक्सको फाल्कन ९ रकेटले यूटेलस्याटका उपग्रहहरू लिएर क्यालिफोर्नियाको भ्याण्डेनबर्ग स्पेस फोर्स बेसबाट बिहान ५: १३ जीएमटीमा उडान भरेको थियो।

“यो मर्जरपछि उपग्रहहरूको पहिलो वनवेब प्रक्षेपण हो,” यूटेलस्याटका सीईओ इभा बर्निकेले रोयटर्सलाई अन्तर्वार्तामा भनिन्। “आगामी वर्षहरूमा हामी थप उपग्रहहरू प्रक्षेपण गर्नेछौं।”

पेरिसमा आधारित यो समूह, जुन गत वर्ष सेप्टेम्बरमा फ्रान्सको यूटेलस्याट र बेलायतको वनवेबको मर्जरबाट बनेको हो, ६०० भन्दा बढी लो अर्थ अर्बिटमा रहेका उपग्रहहरूको समूह (कन्स्टेलेशन) छ जसले प्रसारणकर्ता, टेलिकम कम्पनीहरू र रेडियो स्टेशनहरूलाई सेवा दिन्छ।

“हामी वास्तवमै टेल्को इकोसिस्टममा समाहित हुन चाहन्छौं,” बर्निकेले भनिन्। “उपग्रहहरू समग्र कनेक्टिभिटी इकोसिस्टममा एउटा चाखलाग्दो क्षेत्र हो, जहाँ टेल्कोहरू मुख्य खेलाडीहरू हुन् र उपग्रह सधैं सानो भाग हुनेछ।”

यूटेलस्याटले फ्रान्सको अरेञ्ज र अस्ट्रेलियाको टेल्स्ट्राजस्ता टेलिकम अपरेटरहरूलाई ग्राहकका रूपमा लिएको छ र अमेरिका मा एटी एण्ड टी  जस्ता अरूसँग कुराकानीमा रहेको जनाइएको छ।

कम्पनीसँग अर्ब डलरको अर्डर ब्याकलग छ, र भारत र साउदी अरेबियाजस्ता देशहरू खुल्ने प्रतीक्षामा छ।

२०३० सम्म ३६% प्रति वर्षको दरले बजार बढेर १.९ अर्ब डलर पुग्ने अनुमान गरिएको भारत पनि उपग्रह सेवाहरूलाई अनुमति दिने प्रक्रियामा छ। यसमा घरेलु खेलाडीहरू र स्टारलिंकजस्ता कम्पनीहरू बीच केही टकराव भएको छ रोयटर्सले उल्लेख गरेको छ ।

“हाम्रो केही ब्याकलोग भारतीय बजारमा छ… यो त्यहाँ रहन्छ जबसम्म भारत खुल्दैन, त्यो दिन खुल्ने बित्तिकै हामी निर्माण सुरु गर्नेछौं,” ब।्निकेले भनिन्।

कम्पनी उडान भित्र इन्टरनेट ब्राउजिङ सहितको कनेक्टिविटी प्रदान गर्न हवाई कम्पनीहरूसँग पनि छलफलमा छ र आगामी वर्षदेखि राजस्व बढ्न सुरु हुने अपेक्षा गरिएको छ, उनले भनिन्।