‘आइसिसी डिजिटल फ्यान इन्गेजमेन्ट अवार्ड’ प्राप्त भएकोमा प्रधानमन्त्रीद्वारा बधाई ज्ञापन

Technology Khabar ३ श्रावण २०८१, बिहीबार

‘आइसिसी डिजिटल फ्यान इन्गेजमेन्ट अवार्ड’ प्राप्त भएकोमा प्रधानमन्त्रीद्वारा बधाई ज्ञापन
फाइल तस्बिर

काठमाडौं ।

प्रधानमन्त्री केपी शर्मा ओलीले ‘आइसिसी डिजिटल फ्यान इन्गेजमेन्ट अवार्ड’ मुलुकलाई प्राप्त भएकामा सम्पूर्ण नेपालीलाई बधाई दिएका छन्।

इन्टरनेसनल क्रिकेट काउन्सिलले यस वर्षको आइसिसी डिजिटल फ्यान इन्गेजमेन्ट अवार्ड नेपाललाई प्रदान गर्ने घोषणा गरेको छ।

“यस वर्षको आइसिसी डिजिटल फ्यान इन्गेजमेन्ट अवार्ड नेपालले पाएको छ, बधाई नेपाली”, प्रधानमन्त्री ओलीले सामाजिक सञ्जालमा लेखेका छन्।

नेपालले राम्रो क्रिकेट मात्र खेलेको नभई त्यति नै मात्रामा खेललाई पनि साथ दिएको प्रधानमन्त्रीले उल्लेख गरे।

“हामी राम्रो क्रिकेट खेलिरहेका छौँ, अनि त्यति नै मात्रामा खेललाई समर्थन गरिरहेका छौँ, यसका लागि नेपाली खेलाडी, क्रिकेट प्रशासन र विश्वभर छरिएका खेलप्रेमी नेपाली दर्शक पनि बधाईका हकदार छन्”, प्रधानमन्त्री ओलीको ‘फेसबुक पेज’मा लेखिएको छ। रासस

प्रकाशित: ३ श्रावण २०८१, बिहीबार

तपाइको प्रतिक्रिया