किया इन्डियाले ईभी ६ इलेक्ट्रिक एसयूभी रिकल गर्दै, इन्टिग्रेटेड चार्जिङ कन्ट्रोल युनिटमा त्रुटी

काठमाडौं ।

किया इन्डियाले आफ्नो ईभी ६ (EV6) इलेक्ट्रिक एसयूभीको १,१३८ इकाइहरू इन्टिग्रेटेड चार्जिङ कन्ट्रोल युनिट (आईसीसीयू) मा त्रुटिको कारण रिकल गरेको छ। यो खराबीका कारण विद्युतीय कारको १२ भोल्टको सहायक ब्याट्री प्रभावित भइरहेको छ।

रिकल भारतको लागि मात्र नभई, विश्वव्यापी कार्यको एक हिस्सा हो जस अन्तर्गत मार्च ३, २०२२ र अप्रिल १४, २०२३ को बीचमा निर्मित ईभीहरु फिर्ता बोलाइएको छ। आईसीसीयूमा खराबीले ड्राइभिङ पावर पूर्णरूपमा गुमाउन सक्छ। कियाले समस्या समाधान गर्न आईसीसीयू सफ्टवेयर अपडेट गर्दैछ र प्रभावित ग्राहकहरुलाई सिधै सम्पर्क गरिरहेको छ।

किया इन्डियाले तोकिएका आफ्नो ईभी ६ मोडलमा समस्या आएपछि सेवा केन्द्रमा फिर्ता बोलाइएको कम्पनीले जानकारी दिएको छ। भारतमा ईभी ६ लाई पूर्ण रूपमा निर्मित इकाई (सीबीयू) को रूपमा आयात गरिएको छ। यस्तो अवस्थामा भारतमा रहेका युनिटलाई पनि फिर्ता बोलाइएको छ।

कियाले राम्रो स्वामित्व अनुभव कायम राख्न प्रभावित EV6 मोडेलहरूमा एकीकृत चार्जिङ नियन्त्रण इकाईको सफ्टवेयर अपडेट गरिरहेको बताएको छ। किआ इन्डियाले सडक यातायात तथा राजमार्ग मन्त्रालय (MoRTH) लाई इभीहरु रिकल गरिएको जानकारी दिएको बताएको छ। ग्राहकहरूले सफ्टवेयर अपडेटको लागि अपोइन्टमेन्ट तय गर्नको लागि आफ्नो सम्बन्धित किया डिलरशिपलाई पनि सम्पर्क गर्न सक्छन्।

यूएसए टुडेको रिपोर्ट अनुसार, यस वर्ष मार्चमा, कियाले अमेरिकामा ४८ हजार २३२ इभी ६ रिकल गरेको छ। यो यस्तै समस्या थियो, जहाँ ड्राइभिङ पावर हानिको जोखिम थियो। किआले भनेअनुसार “प्रभावित सवारी साधनहरूले एकीकृत चार्जिङ नियन्त्रण इकाईमा समस्याहरू अनुभव गर्न सक्छन्, जसले कारहरूलाई चार्ज गर्न सक्षम बनाउँछ।”

कम्पनीका अनुसार, यो समस्याले आईसीसीयूलाई क्षति पुर्याउन सक्छ र १२-भोल्टको ब्याट्री चार्ज गर्न रोक्न सक्छ, जुन ड्राइभिङ गर्दा डिस्चार्ज हुन सक्छ र बिस्तारै मोटिभ पावर कम हुन सक्छ, जसले गर्दा ड्राइभको कुल शक्तिको क्षति हुन सक्छ।