एप्पल चीनको सबैभन्दा धेरै बिक्री हुने वायरलेस इयरफोन सूचीमा तेस्रो स्थानमा

काठमाडौं ।

यस वर्ष पहिलो त्रैमासिक (क्यू१) मा मुख्य भूमि चीनमा सबैभन्दा धेरै बिक्री हुने टीडब्ल्यूएस इयरफोनहरूको सूची जारी गरिएको छ। उक्त प्रतिवेदन बजार अनुसन्धान फर्म क्यानालिसबाट आएको हो।

शाओमी पहिलो स्थानमा

रिपोर्टका अनुसार, एप्पल सूचीमा तेस्रो स्थानमा रहेको छ भने शाओमी २०२४ को पहिलो त्रैमासिकमा सबैभन्दा ठूलो शिपमेन्टको साथ पहिलो स्थानमा रहन सफल थएको छ। त्यसैगरी ह्वावे दोस्रो स्थानमा रहेको छ।

शाओमीले सन् २०२४ को पहिलो त्रैमासिक (क्यू१) मा ३ मिलियन टीडब्ल्यूएस इयरफोनहरू शिपमेन्ट (ढुवानी) गरेको छ र ७६.२ प्रतिशतको वृद्धि भएको छ।

बजार अनुसन्धान फर्मकाअनुसार, शाओमीको भर्खरै लन्च गरिएको ओपन इयर हेडफोनहरूले प्रडक्ट स्पेसमा यसको बजार सेयरमा महत्त्वपूर्ण योगदान पुर्याएको जनाइएको छ। त्यसैगरी, क्यानालिसले हालसालै जारी गरिएका प्रडक्टहरूलाई प्रडक्ट पोर्टफोलियो विस्तार गर्न र ग्राहकहरूको विस्तृत दायरालाई अपील गर्ने रणनीतिक चालको रूपमा हेरेको भनि उल्लेख गरिएको छ।

रिपोर्ट अनुसार, शाओमीले लगातार चार त्रैमासिकमा यस प्रडक्ट क्याटोगरी (उत्पादन वर्ग) मा दोहोरो अंकको वृद्धि कायम गरेको छ।

ह्वावेले पहिलो त्रैमासिकमा २.५ मिलियन युनिटहरू ढुवानी गरेको छ। कम्पनीको इन्ट्रि–लेभल फ्रीबड्स एसई२ ले मुख्य रूपमा उपलब्धिमा योगदान पुर्याएको उल्लेख छ। साथै ह्वावेले पछिल्ला चार त्रैमासिकमा तीव्र वृद्धि हासिल गरेको छ।

त्यसैगरी एप्पलले सन् २०२४ को पहिलो त्रैमासिकमा कुल २ मिलियन शिपमेन्टको साथ मुख्य भूमि चीनमा तेस्रो स्थान ओगट्न सफल भएको छ। एडिफायर पहिलो त्रैमासिकमा १.७ मिलियन इकाइहरूको ढुवानीका साथ चौथो स्थानमा रहेको छ।

क्यानालिसले मुख्य भूमि चीनमा अडियो डिभाइसहरूको ढुवानी पहिलो क्वाटरमा १९.५ मिलियन एकाइ भएको र जुन गत वर्षको तुलनामा २१.३ प्रतिशतले वृद्धि भएको देखाएको गीज्मोचाइनाले रिपोर्टमा उल्लेख गरेको छ।