भारतमा अप्रिलदेखि विद्युतीय स्कुटर महँगो हुने, केन्द्र सरकार अनुदान घटाउने तयारीमा
काठमाडौं ।
भारतीय बजारमा विगत केही वर्षयता विद्युतीय दुई पाङ्ग्रे सवारीसाधनको बिक्री तीव्र गतिमा बढेको छ। यसको मुख्य कारण केन्द्र र राज्य सरकारबाट प्राप्त अनुदान हो। यद्यपि, अप्रिलदेखि केन्द्र सरकारले दिएको फेम २ (FAME 2) सब्सिडीमा कटौतीका कारण विद्युतीय दुई पाङ्ग्रे सवारी साधनहरू करिब १० प्रतिशतले महँगो हुन सक्ने छ।
रेटिङ एजेन्सी इक्राको अध्ययनलाई उद्धृत गर्दै मिडिया रिपोर्टमा आगामी आर्थिक वर्षको अन्त्यसम्ममा देशको दुईपाङ्ग्रे सवारीसाधन बजारमा विद्युतीय दुईपाङ्ग्रे सवारीको हिस्सा करिब आठ प्रतिशत पुग्न सक्ने बताइएको छ। यद्यपि, फेम २ को अनुदानको अन्त्यले विद्युतीय दुई पाङ्ग्रे सवारीका खरिदकर्ताहरूका साथै उत्पादकहरूलाई झटका लाग्न सक्छ।
यसको केही प्रभाव हालै घोषणा गरिएको इलेक्ट्रिक मोबिलिटी प्रमोशन स्कीम (ईएमपीएस) भन्दा कम हुन सक्छ। यस अन्तर्गत विद्युतीय दुई पाङ्ग्रे सवारी साधनको बिक्री बढाउन भारु ३३३.३९ करोड विनियोजन गरिएको छ। यससँगै यो वर्षको अप्रिलदेखि अगस्टसम्ममा ३ लाख ३३ हजार ३ सय ८७ विद्युतीय स्कुटरले करिब १० हजार भारतीय रुपैयाँ बराबरको फाइदा पाउनेछन्।
यद्यपि, ईएमपीएसमा प्रत्येक गाडीको लागि दिइने अनुदानको रकममा कटौती हुनेछ। यसले फेम २ को सब्सिडीको तुलनामा विद्युतीय दुई पाङ्ग्रे सवारीको मूल्य लगभग १० प्रतिशतले बढाउने बताईएको छ। यस हप्ताको सुरुमा, प्रधानमन्त्री नरेन्द्र मोदीले आगामी पाँच वर्षमा देशमा इभी उत्पादन द्रुत रूपमा बढ्ने बताएका थिए।