इजरायली टेकको विरोध गर्ने गुगलका क्लाउड इन्जिनियर बर्खास्त

काठमाडौं ।

गुगलले एक क्लाउड इन्जिनियरलाई बर्खास्त गरेको छ, जसले इजरायली व्यवसायका प्रबन्ध निर्देशक बराक रेगेभलाई न्यूयोर्कमा आयोजित इजरायली टेक कार्यक्रममा भाषणको क्रममा बाधा पुर्याएका थिए।

“म गुगल सफ्टवेयर इन्जिनियर हुँ र म नरसंहार वा निगरानीलाई शक्ति दिने प्रविधि निर्माण गर्न अस्वीकार गर्छु!” अनलाइन भाइरल भएको भिडियोमा इन्जिनियरलाई चिच्याएको देखिन्छ। उनले प्रोजेक्ट निम्बसको बारेमा बोलेका थिए, सुरक्षाकर्मीद्वारा उनलाई तानिएको थियो।

प्रोजेक्ट निम्बस, गुगल र अमेजनले इजरायली सेनालाई एआई र अन्य उन्नत टेक्नोलोजीहरू आपूर्ति गर्न जितेको १.२ बिलियन डलर सम्झौता हो।

गत वर्ष, गुगलका कर्मचारीहरूको एक समूहले कम्पनी भित्र रहेका अरब, मुस्लिम र प्यालेस्टिनी कामदारहरूलाई “घृणा, दुर्व्यवहार र बदला” भावना हुने भन्दै परियोजना निम्बस रद्द गर्न आग्रह गर्दै खुला पत्र प्रकाशित गरेका थिए।

“परियोजना निम्बसले प्यालेस्टिनी समुदायका सदस्यहरूलाई खतरामा पार्छ! म क्लाउड रंगभेदको लागि प्रयोग हुने प्रविधि निर्माण गर्न अस्वीकार गर्छु,” ती इन्जिनियरले भनेका थिए।

उनलाई इभेन्टबाट हटाइएपछि, रेगेभले दर्शकहरूलाई भने “प्रजातान्त्रिक मूल्यहरूको प्रतिनिधित्व गर्ने कम्पनीमा काम गर्ने विशेषाधिकारको कलाले विभिन्न विचारहरूको लागि मंच प्रदान गरिरहेको छ।”