गुगल मेसेजेसले पठाएको संदेश सम्पादन गर्ने सुबिधा चाँडै ल्याउने

काठमाडौं ।

एसएमएस र आरसीएस मेसेजिङका लागि व्यापक रूपमा प्रयोग हुने एप गुगल मेसेजेसले सम्भावित रूपमा लामो समयदेखि अनुरोध गरिएको फिचर – मेसेज (सन्देश) हरू पठाई सकेपछि सम्पादन गर्ने क्षमता थप्ने भएको छ।

यो फिचरले प्रयोगकर्ताहरूलाई थप लचिलोपन प्रदान गर्नेछ भने टाइपिङ वा अन्य त्रुटिको कारण सन्देशहरू मेटाउनु पर्ने र पुनः पठाउनु पर्ने समस्यालाई हटाउने उल्लेख गरिएको छ।

गुगल मेसेजेसमा मेसेज इडिटिङ फिचर (सन्देश सम्पादन सुविधा) थप गरिने को सम्भावनाको बारेमा ट्विटर प्रयोगकर्ता एसेम्बलडिबग (दएसपीएन्ड्रोइड मार्फत) ले पत्ता लगाएको र गुगल मेसेजेसको बिटा संस्करण भित्र लुकेको फिचरको प्रमाण फेला पारेका हुन्।

यद्यपि यो फिचर अझै पनि सार्वजनिक रूपमा उपलब्ध छैन। यद्यपि बीटामा यसको उपस्थितिले, गुगलले पक्कै सक्रिय रूपमा यसलाई पर्दा पछाडि विकास गरिरहेको छ भन्ने अनुमान गरिएको छ।

एसेम्बलडिबगको रिपोर्टले प्रयोगकर्ताहरूले पठाइएका सन्देशहरू सम्पादन गर्नका लागि भनेर ३० मिनेटको विन्डो प्राप्त गर्न सक्ने बताएको जनाइएको छ।

त्यस्तै गुगल मेसेजेसले ट्रान्सप्यारेन्ट इडिट हिस्ट्री (पारदर्शी सम्पादन इतिहास) कायम राख्नेछ भने यसले प्रयोगकर्ताहरूलाई कुनै पनि परिवर्तनहरू हेर्न अनुमति दिने जस्तो देखिने रिपोर्टमा उल्लेख छ।

सम्पादन प्रक्रिया (इडिटिङ प्रोसेस) सरल हुने अपेक्षा गरिएको छ। सन्देशलाई लामो समयसम्म थिच्दा एउटा नयाँ पेन्सिल आइकन प्रकट हुनेछ, जसले इडिटिङ फिल्ड (सम्पादन क्षेत्र) खोल्ने छ। साथै अन्य प्रयोगकर्ताहरूले पनि सम्पादनहरूले सही रूपमा काम गर्नको लागि सुविधा सक्षम हुनुपर्ने, अन्यथा तिनीहरूले सम्पादन गरिएका सन्देशहरू ठीकसँग देख्न नसक्ने रिपोर्टले संकेत गरेको उल्लेख छ।

आरसीएस च्याटमा गरिएको परीक्षणको क्रममा, प्रयोगकर्ताहरूले आफ्नो तर्फ कुनै पनि सम्पादन परिवर्तनहरू अवलोकन नगरेको, तर अन्य प्राप्तकर्ताहरूले भने सम्पादन गरिएको सन्देशलाई छुट्टै सन्देशको रूपमा प्राप्त गरेको जनाइएको छ। साथै उनीहरूका लागि सुविधा सक्षम नभएको हुनाले यो डिक्रिपेन्सी भएको बताइएको छ।

साथै, सुरुवातमा, फिचर इडिट स्ट्याण्डर्ड एसएमएस नभएर आरसीएस मेसेजेसमा मात्र लागू हुनसक्ने गीज्मोचाइनाले उल्लेख गरेको छ।