मंगल ग्रहमा रहेको इन्जेन्युइटी हेलिकप्टरसँग नासाको सम्पर्क स्थापित

काठमाडौं ।

नासाले मंगल ग्रहमा रहेको आफ्नो सानो ( इन्जेन्युइटी) हेलिकप्टरसँग पुनः सम्पर्क स्थापित भएको शनिबार अमेरिकी अन्तरिक्ष एजेन्सीले शनिबार बताएको छ।

अप्रत्याशित आउटेज पछि मंगल ग्रहमा आफ्नो मिशन गरिरहेको इन्जेन्युइटी यान अन्त्य भएको डर पैदा भएको थियो।

१.६ फिट अग्लो इन्जेन्युइटी ड्रोन रोभर पर्सिभेरन्स मार्फत २०२१ मा मंगल ग्रहमा लगिएको थियो। र यसले आफ्नो मिशन लक्ष्यहरू धेरै पार गरेको छ। नासाले प्रायोगिक हेलिकप्टरले केही उडानहरू पूरा गर्न सक्षम हुने आशा गरेको थियो। यसले सञ्चालनको पहिलो वर्ष भित्र २० पटक भन्दा बढी उडान गरेको थियो।

अन्तरिक्ष एजेन्सीले आधिकारिक रूपमा २०२२ मा आफ्नो मिशन विस्तार गरेको र त्यसपछि यसले दर्जनौं थप सफल उडानहरू कार्यान्वयन गरेको छ। मंगल ग्रहको सतहबाट उडान भर्ने इन्जेन्युइटी पहिलो विमान हो।

आफ्नो ७२ औं उडानको क्रममा लगभग ४० फिटको उचाइमा ‘क्वीक पप–अप’ मा इन्जेन्युइटीले पर्सिभेरन्स रोभरसँग सञ्चार गर्नु अघि नै बन्द भएको थियो।

इन्जेन्युइटीसँग सञ्चार स्थापना भएपछि शनिबार नासाको जेट प्रोपल्सन ल्याबोरेटरी (जेपीएल) ले एक्समा सुखद समाचार भनेर लेखेको छ।

एजेन्सीका अनुसार अन्ततः पर्सिभेरेन्सलाई ‘इन्जेन्युइटीको सिग्नलका लागि लागि लामो-अवधि सुन्ने सत्रहरू प्रदर्शन गर्ने’ आदेश दिएर सम्पर्क गरिएको हो।