ड्राइभरलेस कार फर्म क्रुजले ९०० जागिर कटौती गर्ने

काठमाडौं ।

ड्राइभरलेस कार फर्म क्रुजले ९०० जागिर कटौती गर्ने भएको छ।
ड्राइभरलेस कारले पैदल यात्रुलाई घाइते बनाएको रिपोर्ट पछि सुरक्षा अधिकारीहरुले कम्पनीको जाँच गरिरहेको समयमा रोजगारी कटौती गर्ने घोषणा आएको बीबीसीले उल्लेख गरेको छ।

क्यालिफोर्नियाले चालकविहीन परीक्षण अनुमति रोकेपछि क्रुजले यस शरद ऋतुकामा आफ्ना सबै अमेरिकी गाडीहरूलाई परीक्षणबाट हटाएको छ।

कम्पनीका प्रमुख कार्यकारी काइल भोग्ट र सह–संस्थापक डेन कानले पनि हालैका हप्ताहरूमा राजीनामा दिएका छन्।

बिहीबार, क्रूजले आफ्नो कार्यबलको २४ प्रतिशत काम कटौती गरेको पुष्टि गरेको छ र “मुख्य रूपमा व्यावसायिक सञ्चालन र सम्बन्धित कर्पोरेट कार्यहरूमा“ कटौती गरिएको छ।

कम्पनीले जागिरबाट निकालेका कर्मचारीहरुलाई राम्रो प्याकेजको व्यवस्था गरेको दाबी गरेको छ।

क्रूजको मुख्य लगानीकर्ता जेनरल मोटर्सले गत महिना खर्च कटौती गर्ने बताएको थियो। कम्पनीले तेस्रो क्वाटरसम्म ७०० मिलियन अमेरिकी डलर घाटा व्यहोरेको छ भने २०१६ देखि ८ बिलियन अमेरिकी डलर घाटा व्यहोरेको रोयटर्सले उल्लेख गरेको छ।

‘जीएमले क्रूजले गरेका कठिन रोजगारी निर्णयहरूलाई समर्थन गर्दछ,’ जीएमका प्रवक्ताले भने।