चन्द्रयान-३ को विक्रम ल्यान्डर सफलतापूर्वक अन्तरिक्ष यानबाट अलग, २३ अगष्टमा चन्द्रमामा ल्याण्ड हुने

काठमाडौं ।

विक्रम ल्यान्डर बिहीबार चन्द्रयान-३ अन्तरिक्ष यान र यसको प्रोपल्सन मोड्युलबाट सफलतापूर्वक अलग भएको छ। योसँगै भारतको चन्द्र अभियानको अन्तिम चरण सुरु भएको इन्डियनएक्सप्रेसले उल्लेख गरेको छ।

योसँगै मिसन २३ अगष्टमा चन्द्रमामा सफ्ट ल्यान्डिङ गर्ने आफ्नो मुख्य लक्ष्य हासिल गर्न एक कदम नजिक पुगेको छ। योसँगै अद्भुत उपलब्धी हासिल गर्ने चौथो राष्ट्र बन्ने लक्ष्यमा भारत रहेको छ।

यस महत्वपूर्ण चरणको सफल समापनको घोषणा गर्दै इसरोले ट्वीट गरेको छ, ‘ल्यान्डर मोड्युल (एलएम) भोलि (शुक्रबार) लगभग १६०० आवर आईएसटीको लागि योजना गरिएको डिबोस्टिङमा थोरै तल्लो अर्बिटमा झर्न तयार छ।’

Chandrayaan-3 Mission:

‘Thanks for the ride, mate! ????’
said the Lander Module (LM).

LM is successfully separated from the Propulsion Module (PM)

LM is set to descend to a slightly lower orbit upon a deboosting planned for tomorrow around 1600 Hrs., IST.

Now, ???????? has3⃣ ????️????️????️… pic.twitter.com/rJKkPSr6Ct

— ISRO (@isro) August 17, 2023

अहिले ल्यान्डर प्रोपल्सन मोड्युलबाट अलग भएको छ, यसले चन्द्रमाको बाँकी यात्रा आफैं पूरा गर्नेछ।

अन्तरिक्ष यानको शरीरिक रचना

मुख्य अन्तरिक्ष यान दुई भागबाट बनेको छ। ल्यान्डर मोड्युल जसमा रोभर पनि छ। चन्द्रमामा यात्रा गर्न डिजाइन गरिएको छ। जबकि बाँकी भएको हिस्सा जसलाई प्रोपल्सन मोड्युल भनिन्छ। जसको एक मात्र काम ल्यान्डर मोड्युललाई चन्द्रमाको अर्बिटमा लैजानु थियो, केही महिनासम्म चन्द्रमाको वरिपरि घुम्न जारी रहनेछ, सम्भवतः केही वर्षहरूमा पनि।

विक्रम ल्यान्डरले अब के गर्छ?

तीन वैज्ञानिक पेलोडहरू सहित यसको अन-बोर्ड उपकरणहरू परीक्षण गरिसकेपछि, ल्यान्डरले त्यसपछि दुईवटा महत्वपूर्ण अर्बिट-घटाउने चालहरू पूरा गर्नेछः पहिलो, गोलाकार १०० वाई १०० किलोमिटर अर्बिटमा पुग्न, र त्यसपछि चन्द्रमाको अझ नजिक १०० वाई ३० किलोमिटर अर्बिटमा पुग्छ। यो १०० वाई ३०० किलोमिटरको अर्बिटबाट ल्यान्डरले २३ अगष्टमा चन्द्रमामा टचडाउनको लागि आफ्नो अन्तिम अवतरण सुरु गर्नेछ।

यस हप्ताको सुरुमा अन्तरिक्ष यान चन्द्रमाको नजिक पुग्यो जब यसले आफूलाई १५३ वाई १६३ किलोमिटरको गोलाकार अर्बिटमा प्रवेश गरेको थियो। यो अन्तरिक्ष यानद्वारा गरिएको चौथो र अन्तिम अर्बिट घटाउने चाल थियो, जसमा प्रोपल्सन मोड्युल र ल्यान्डर कम्पोनेन्ट, जसमा रोभर पनि समावेश छ।