चीनमा २८ लाख ४० हजार फाइभजीको बेस स्टेशन स्थापना

काठमाडौं ।

विश्वको सबैभन्दा ठूलो र सबैभन्दा उन्नत नेटवर्क पूर्वाधार निर्माण गर्ने प्रयासको बीचमा मेको अन्त्यसम्ममा चीनमा फाइभजी बेस स्टेशनहरूको संख्या २.८४ मिलियन नाघेको छ।

बेइजिङमा जारी ग्लोबल डिजिटल इकोनोमी सम्मेलन २०२३ को अवसरमा चिनियाँ उद्योग तथा सूचना प्रविधि उपमन्त्री वाङ जियाङपिङले सो कुराको खुलासा गरेका हुन्।

अधिक प्राविधिक रूपमा उन्नत नेटवर्क पूर्वाधारको साथ, चीनले हालैका वर्षहरूमा डिजिटल अर्थतन्त्रको विकासलाई गति दिइरहेको छ।

सन् २०२२ मा चीनको डिजिटल अर्थतन्त्रको स्तर बढेर ५०.२ ट्रिलियन युआन (लगभग ६.९३ ट्रिलियन अमेरिकी डलर) पुगेको छ। देशको जीडीपीमा डिजिटल अर्थतन्त्रको अंश ४१.५ प्रतिशतमा पुगेको छ, जसले यसलाई स्थिर वृद्धि र रूपान्तरणको लागि महत्वपूर्ण इन्जिन बनाएको छ।

“डाटा ड्राइभ्स डेभलपमेन्ट, इन्टेलिजेन्स लिड्स द फ्युचर” भन्ने विषयवस्तु राखिएको ग्लोबल डिजिटल इकोनोमी कन्फरेन्स २०२३ शुक्रबार समापन हुनेछ, जसले विश्वभर डिजिटल अर्थतन्त्रका लागि खुला नवप्रवर्तन नेटवर्क निर्माण गर्ने प्रस्ताव राखेको छ।