काठमाडौं ।
फक्सवागनले आईडी.१ नामक नयाँ विद्युतीय गाडी लन्च गर्ने योजना गरिरहेको छ। फक्सवागनको उक्त नयाँ इलेक्ट्रिक कार आईडी.१ को मूल्य १७ हजार युरो हाराहारीमा हुने भएकाले उपभोक्ताहरूका लागि एकदमै किफायती विकल्प बन्ने उल्लेख गरिएको छ।
फक्सवागनले आफ्नो नाफा र नगद प्रवाह सुधार गर्न परिवर्तनहरू गर्दैछ। कम्पनीले आफ्नो रणनीतिक पङ्क्तिबद्धतामा ध्यान केन्द्रित गरिरहेको र सबै ब्रान्डहरूमा कार्यक्रमहरू लन्च गर्दैछ। साथै कम्पनीले आईडी.१ नामक नयाँ इलेक्ट्रिक कार लन्च गर्ने विचार पनि गरिरहेको र यस नयाँ इलेक्ट्रिक कारको मूल्य लगभग १७,००० युरो हुने उल्लेख गरिएको छ।
आईडी.१ ले नयाँ बेस्पोक इलेक्ट्रिक प्लेटफर्म प्रयोग गर्ने र उक्त प्लेटफर्म आफ्नो सहयोगी ब्रान्डहरू कुप्रा र स्कोडाका समान मोडलहरूको लागि पनि प्रयोग गरिने बताइएको छ।
आईडी.१ हालै सार्वजनिक गरिएको आईडी.२अल कन्सेप्ट भन्दा सानो हुने बताइएको छ। साथै फक्सवागनले यस इलेक्ट्रिक कारलाई लगभग २६,१६९ युरोमा बेच्ने लक्ष्य राखेको बताइएको छ। त्यसै गरी उक्त इलेक्ट्रिक कारमा सम्भवतः सानो ब्याट्री प्याक हुने र यसले कारको दायरा सीमित गर्ने उल्लेख छ।
फक्सवागनले स्केलेबल सिस्टम्स प्लेटफर्म (एसएसपी) नामक दोस्रो पुस्ताको विद्युतीय गाडीको प्लेटफर्म विकास गरिरहेको बताइएको छ। एसएसपी साना सहरका कारदेखि शक्तिशाली स्पोर्ट्स कारसम्मका कारका लागि प्रयोग गरिने छ। साथै २०२६ सम्ममा यो तयार हुने अपेक्षा गरिएको छ।
प्रकाशित: १४ असार २०८०, बिहीबार
