भर्खरै भारतमा खोलिएको एप्पल स्टोरको कमाईले बनायो रेकर्ड

काठमाडौं ।

एप्पलका सीईओ टिम कुकले केहि दिनअघि मात्रै भारतमा पहिलो एप्पल स्टोर, एप्पल बीकेसी र एप्पल साकेतको उद्घाटन गरे। मिडिया रिपोर्टकाअनुसार यी दुई स्टोरले मासिक ४४-५० करोड भारतीय रुपैयाँको बिक्री दर्ता गरेका छन्। जबकि कम्पनीले आफ्नो दिल्ली स्टोरको लागि मासिक ४० लाख र ४२ लाख भारु भाडा तिरिरहेको छ।

दिपावली जस्ता चाडपर्वको समयमा यो संख्या भारतमा कुनै पनि इलेक्ट्रोनिक्स पसलको आम्दानीभन्दा दोब्बर बढी रहेको उद्योग विज्ञहरूले खुलासा गरेका छन्। यो संख्यासँगै एप्पल स्टोर राजस्वको हिसाबले भारतको सबैभन्दा ठूलो इलेक्ट्रोनिक्स रिटेलर बनेको भारतीय मिडियाहरुले उल्लेख गरेका छन्।

पहिलो दिनकै रेकर्ड तोडियो

मिडिया रिपोर्टहरूले उल्लेख गरेअनुसार एप्पल बीकेसीले यसको सुरुवातको पहिलो दिनमा १० करोड भारुको बिक्री दर्ता गर्यो। जहाँ ठूला इलेक्ट्रोनिक्स पसलको महिनामा ७–८ करोड भारतीय रुपैयाँको हाराहारीमा बिक्री हुन्छ।

मिडिया रिपोर्टका अनुसार एप्पल साकेतको साइज ८,५०० स्क्वायर फिट भए पनि यसको प्रति स्क्वायर फुट राजस्व मुम्बईका अन्य स्टोरहरू भन्दा २२ हजार स्क्वायर फिटको तुलनामा धेरै राम्रो छ। सानो भए पनि, दुबै एप्पल स्टोरहरूले लगभग समान मासिक बिक्री दर्ता गरेका छन्। पहिलो दिनमै यी दुई पसलमा ६ हजारभन्दा बढीले अवलोकन गरेका थिए।