बत्तीस लाख ३१ हजार स्मार्ट ड्राइभिङ लाइसेन्स प्रिन्ट, कतिजनाले पाए भन्ने सरकारसँग छैन् तथ्यांक

काठमाडौं ।

नेपालमा ३२ लाख ३१ हजार ४७५ यूनिट स्मार्ट कार्ड (ड्राइभिङ लाइसेन्स) प्रिन्ट भएको छ।

आईतबार सार्वजनिक आर्थिक सर्वेक्षण अनुसार चालु आर्थिक वर्ष २०७९/८० को फागुन मसान्तसम्म ३२ हजार ३१ हजार ४७५ यूनिट स्मार्ट कार्ड प्रिन्ट भएका छन्।

चालु आवको पहिलो ८ महिनामा थप ५ लाख २ हजार २२ यूनिट स्मार्ट लाइसेन्स प्रिन्ट भएको छ। आर्थिक वर्ष २०७८/७९ मा २७ लाख २९ हजार ४५३ यूनिट स्मार्ट लाइसेन्स प्रिन्ट भएको सर्वेक्षणमा उल्लेख छ।

यातायात व्यवस्था विभागले २०७२ मंसिरबाट स्मार्ट लाइसेन्स वितरण सुरु गरेको हो। स्मार्ट लाइसेन्स वितरण सुरु भएको ८ वर्ष हुँदा पनि सेवाग्राहीले पाउने सास्ति यथावत रहेको छ। कार्ड र प्रिन्टरको अभावका कारण सेवाग्राहीले हालसम्म पनि समयमै स्मार्ट कार्ड पाउन सकिरहेका छैनन्।

अहिले पनि स्मार्ट लाइसेन्स नवीकरण र नयाँ प्राप्त गर्न सेवाग्राहीले एक वर्ष भन्दा बढी समय कुर्नुपर्ने बाध्यता कायम छ। पूर्व तयारी र आवश्यक स्रोतको व्यवस्थापन नगरी स्मार्ट कार्ड लागू गर्दा यस्तो झन्झट देखिएको हो।

तर सरकारले तथ्यांकमा कति सेवाग्राहीले सो अवधिमा स्मार्ट कार्ड प्राप्त गरे वा बितरण गरियो भन्ने उल्लेख गरेको छैन्।