ताजा समाचार

आइएमई पे मार्फत एयरलाइन्स टिकट काट्दा रु. १२५ क्यासब्याक पाईने

Technology Khabar ९ जेष्ठ २०८०, मंगलवार

काठमाडौं ।

आइएमई डिजिटल सोलुसन लिमिटेडको “आइएमई पे” मार्फत विभिन्न एयरलाइन्सको टिकट काट्दा सेवाग्राहीहरुले अब रु. १२५ क्यासब्याक पाउने भएका छन्।

आइएमई पे मार्फत टिकट काट्ने ग्राहकवर्गले एयरलाइन्स कम्पनी बमोजिमको रु. ७५ वा त्यो भन्दा बढी क्यासब्याक पाउनुका साथै आइएमई पेको ‘बोनस(BONUS)’ नामक प्रोमोकोड प्रयोगमा थप रु.५० गरि कम्तिमा रु. १२५ वा सो भन्दा बढी क्यासब्याक पाउन सक्नेछन्।

उक्त प्रोमोकोड जेठ ७ गतेदेखि असार ६ गतेसम्म प्रत्येक ग्राहकले एक पटक मात्र प्रयोग गर्न पाउने कम्पनीले जनाएको छ।