अन्तरिक्षमा छायांकन गरिएको पहिलो फिचर फिल्म ‘द च्यालेन्ज’को ट्रेलर रिलिज, हेर्नुहोस्

काठमाडौं ।

पृथ्वीबाट ४०० किलोमिटर माथि अन्तरिक्षमा अवस्थित अन्तर्राष्ट्रिय अन्तरिक्ष स्टेशन (आईएसएस) को उद्देश्य अब वैज्ञानिक अनुसन्धानका लागि मात्र रहेन। आईएसएस अन्य धेरै उद्देश्यका लागि पनि प्रयोग भइरहेको छ।

केही वर्षअघि हलिउड अभिनेता टम क्रुजले आफ्नो एउटा फिल्मको सुटिङ अन्तरिक्षमा गर्ने खबर आएको थियो। तर, रुसले यसअघि नै यो उपलब्धि हासिल गरिसकेको छ। रसियाले अन्तरिक्षमा खिचिएको पहिलो फिचर फिल्म ‘द च्यालेन्ज’ को ट्रेलर सार्वजनिक गरेको छ। सन् २०२१ मा यो फिल्म अन्तर्राष्ट्रिय अन्तरिक्ष स्टेशन (आईएसएस) मा १२ दिनसम्म खिचिएको थियो।

अप्रिल २० मा रिलिज हुने, ‘द च्यालेन्ज’ पहिलो फिचर लम्बाइको फिल्म हुनेछ जसको शुटिङका ​​लागि अभिनेता र निर्देशकले अन्तरिक्ष उडान गरेका थिए। फिल्म एक महिला कार्डियक सर्जन, जेन्याको बारेमा हो। जेन्या डाक्टरहरूको टोलीको हिस्सा हुन र एक अन्तरिक्ष यात्रीको जीवन बचाउन अन्तरिक्ष स्टेशनमा पठाइन्छ। के उनी आफ्नो मिशनमा सफल हुन सक्षम हुनेछिन्? यो फिल्ममा देखाइएको छ।

फिल्ममा रुसी अभिनेत्री युलिया पेरेसिल्डले जेन्याको भूमिका निर्वाह गरेकी छिन्। ओलेग नोवित्स्की अन्तरिक्ष यात्रीको भूमिकामा देखिनेछन्। रिपोर्टका अनुसार यो फिल्म रुसी अन्तरिक्ष एजेन्सी रोस्कोसमोस, रुसको च्यानल वन र येल्लो, ब्ल्याक एन्ड ह्वाइट स्टुडियोको संयुक्त परियोजना हो।

यहाँ हेर्नुस् रुसी भाषाको उक्त सिनेमाको ट्रेलर-

फिल्मको छायांकन अक्टोबर २०२१ मा अन्तर्राष्ट्रिय अन्तरिक्ष स्टेशनमा गरिएको थियो। त्यसको केही महिनापछि फेब्रुअरीमा रुसले युक्रेनमाथि आक्रमण गर्यो। रुसी अन्तरिक्ष एजेन्सीले सन् २०२० मा यो फिल्मको घोषणा गरेको थियो। फिल्ममा जेन्याको भूमिकाका लागि ३७ वर्षीय युलिया पेरेसिल्डलाई छनोट गरिएको थियो।द च्यालेन्जको ट्रेलर रोस्कोसमोस टिभीमा रिलिज भएको छ। करिब ३ मिनेटको ट्रेलर हेर्दा कलाकारहरुले अन्तरिक्षमा आफ्नो क्यारेक्टर कति उत्कृष्ट ढंगले निभाएका छन् भन्ने थाहा हुन्छ।

जानकारीका अनुसार फिल्मकी अभिनेत्री युलिया पेरेसिल्ड र निर्माता-निर्देशक क्लिम शिपेन्कोले रुसी अन्तरिक्ष यात्री एन्टोन स्कापलेरोभसँग अन्तर्राष्ट्रिय अन्तरिक्ष स्टेशनको यात्रा गरेका थिए। यो फिल्म आईएसएसमा १२ दिनसम्म खिचिएको थियो। यो पहिलो फीचर लम्बाईयुक्त फिल्म आईएसएसमा शूट गरिएको छ, तर यो पहिलो परियोजना होइन।

सोभियत युगमा अन्तरिक्ष यात्रीहरूले सोयुज टी-९ मा सर्ट फिल्म खिचेका थिए। अर्को लघु विज्ञान कथा ‘अपोजी अफ फियर’ अन्तरिक्षमा छायांकन गरिएको छ। तर यी सबै छोटो अवधिका चलचित्र थिए। पहिलो पटक अन्तरिक्षमा फिचर लम्बाइको फिल्म छायांकन गरिएको हो। ‘द च्यालेन्ज’ को ३५ देखि ४० मिनेटको दृश्य अन्तरिक्षमा खिचिएको बताइएको छ। डेली मेलले लेखेअनुसार द च्यालेन्ज बनाउन लगभग १.११५ बिलियन रूबल अर्थात करिब १.९४ अर्ब रुपैयाँ खर्च भएको छ।