काठमाडौं ।
बीवाइडीको ठूलो पाँच सिट हाइब्रिड एसयूभी फ्रिगेट ०७ (Frigate 07) यसको ओशियन श्रृंखलाको पछिल्लो गाडीको रूपमा आधिकारिक रूपमा लन्च गरिएको छ।
यो मोडल बीवाइडीद्वारा सन् २०१९ मा अनावरण गरेको कन्सेप्ट कार एक्स ड्रिमबाट लिइएको हो र अगस्टमा चेङ्दु अटो शोमा डेब्यु गरेको थियो।
मोडेलको लम्बाइ, चौडाइ र उचाइ क्रमशः ४,८२० एमएम, १९२० एमएम र १,७५० एमएम छ, जसको ह्वीलबेस २,८२० एमएम छ।
यो २०२,८०० युआन (२९,१४० डलर) देखि २८९,८०० युआनको प्रारम्भिक मूल्य दायराका साथ ६ संस्करणहरूमा उपलब्ध हुनेछ।
फ्रिगेट ०७ एफएसडी फ्रिक्वेन्सी भेरिएबल ड्याम्पिङ डम्परसँग सुसज्जित पहिलो बीवाइडी मोडेल हो र यसका मोडलहरू पहिलो पटक नयाँ चार-लिङ्क स्वतन्त्र रियर सस्पेन्सनले सुसज्जित छन्।
मोडल १८.३ किलोवाट आवर र ३६.८ किलोवाट आवर ब्याट्री प्याकहरूमा उपलब्ध छ, र ब्याट्री पावरमा १०० किमी, १७५ किमी र २०५ किमीको दायरा विकल्पहरू छन्।
मोडेलको अधिकतम चार्जिङ पावर ७५ किलोवाट छ, र २० मिनेटमै ३० प्रतिशतदेखि ८० प्रतिशतसम्म चार्ज हुनसक्छ।
फ्रिगेट ०७ आईफोन एनएफसी डिजिटल कीलाई समर्थन गर्ने स्थानीय ब्रान्डको पहिलो मोडेल हो, जसलाई आईफोन वा एप्पल वाचमार्फत गाडी अनलक, अनलक र स्टार्ट गर्न प्रयोग गर्न सकिन्छ।
प्रकाशित: २५ मंसिर २०७९, आईतवार
