काठमाडौं ।
एप्पलको गोप्य कार डिभिजनको बारेमा व्यापारिक गोप्य कुराहरूसहित कम्प्युटर फाइलहरू चोरेको आरोप लागेका एप्पलका पूर्व कर्मचारी सियाओलाङ झाङ सोमबार सान जोसको संघीय अदालतमा दोषी ठहर भएका छन्।
सोमबार अदालतको फाइलिङ अनुसार, अमेरिकी सरकारसँग झाङको निवेदन सम्झौतालाई सदर गरिएको सीएनबीसीले रिपोर्ट गरेको छ। झाङले व्यापार गोप्य चोरीको गम्भीर आरोपमा दोषी ठहरिएपछि १० वर्ष जेल सजाय र २ लाख ५० हजार डलर जरिवाना भोग्नु परेको छ भने नोभेम्बरमा सजाय तोकिएको छ।
झाङलाई कम्पनीको कार परियोजनाको बारेमा आन्तरिक एप्पल फाइलहरू डाउनलोड गरेको आरोप लगाइएको थियो । विशेष गरी, एक अटोनोमस भेहिकलको लागि सर्किट बोर्डको ईन्जिनियरिङ योजना सहित २५ पृष्ठको कागजात चोरी गरेको आरोप छ। झाङलाई एप्पलको प्रोटोटाइप र प्रोटोटाइप आवश्यकताहरू वर्णन गर्ने सन्दर्भ पुस्तिकाहरू र पीडीएफहरू लिएको पनि आरोप लगाइएको थियो।
झाङलाई संघीय एजेन्टहरूले जुलाई २०१८ मा सान जोस एयरपोर्टबाट गिरफ्तार गरेका थिए, जहाँ उनले चीन जाने योजना बनाएका थिए। एफबीआई र अमेरिकी वकिलको कार्यालयले दोषी करार गर्ने कागजातहरू अनुसार उनले यसअघि २०१५ देखि एप्पलको स्वायत्त वाहन टोलीमा हार्डवेयर इन्जिनियरको रूपमा एप्पलका लागि काम गरेका थिए।
आरोपहरूले एप्पलको गोप्य पक्षलाई बाहिर ल्याएको छ, जुन कम्पनीले वर्षौंदेखि यसको डिभिजनले अटोनोमस इलेक्ट्रिक भेहिकलहरू विकास गर्दै गरेको प्राय: स्वीकार गर्दैन्।
सन् २०१८ को चार्जसिट गर्ने कागजातहरूमा, एक एफबीआई एजेन्टले त्यो कम्पनीसँग लगभग ५ हजार कर्मचारीहरू भएको उल्लेख गरेका छन्, जसको अर्थ उनीहरूलाई परियोजनाको बारेमा थाहा थियो, र साथै २,७०० “मूल कर्मचारीहरू” छन जो सँग परियोजना सामग्री र डाटाबेसमा पहुँच छ।
एप्पलले कुन परियोजनाहरूमा कुन कर्मचारीहरू कार्यरत छन भनेर ट्र्याक गर्न आन्तरिक सफ्टवेयर प्रयोग गर्दछ, र उजुरी अनुसार व्यक्तिगत गोपनीयता प्रशिक्षणमा भाग लिन आवश्यक छ। झाङले स्वायत्त कार परियोजनाको कम्प्युट टोलीमा काम गरेका थिए, जसले सेन्सरहरूको लागि सर्किट बोर्डहरू डिजाइन र परीक्षण गर्यो।
सर्किट डिजाइनहरूको लागि हुने योजनाहरू इलेक्ट्रोनिक्स उद्योगमा सबैभन्दा मूल्यवान व्यापार रहस्यहरू मध्ये एक मानिन्छ।
बिदा लिएर चीनको यात्रा गरेपछि झाङले व्यापार गोप्य चोरी गरेको एप्पलले शंका गरेको थियो। उजुरी अनुसार, जब उनी कम्पनीमा फर्किए, र उनले आफ्नो राजीनामा बुझाए जसमा उनले चीन फर्केर आफ्नी आमाको हेरचाह गर्न चाहेको बताएका थिए।
उनले एप्पललाई बताए कि उनले एक अग्रणी चिनियाँ विद्युतीय सवारी कम्पनी एक्समोटर्सको लागि काम गर्ने योजना बनाएका थिए र त्यसपछि एप्पलको नेटवर्कमा उनको पहुँच काटियो।
एप्पलको अनुसन्धानमा झाङले कम्पनीको डाटाबेसबाट कागजात र जानकारी डाउनलोड गरेको उजुरीमा उल्लेख छ। एप्पलको क्लोज सर्किट क्यामराले झाङलाई ल्याबमा प्रवेश गरेको र हार्डवेयर हटाउने काम पनि गरेको भिडियो कैद गर्यो, जसलाई पछि सर्किट बोर्ड र लिनक्स सर्भरको रूपमा पहिचान गरिएको थियो।
प्रकाशित: ८ भाद्र २०७९, बुधबार
