एनआईसी एशियाको एपबाट एयरलाइनको टिकट बुकिङमा २० प्रतिशत क्यासव्याक

काठमाडौं ।

एनआईसी एशिया बैंकले एपमार्फत विभिन्न एयरलाइनको टिकट बुकिङमा २० प्रतिशत सम्म क्यास व्याक दिने योजना सार्वजनिक गरेको छ। बैंकले असार १२ गतेदेखि असार १८ गते सम्म लागू हुने गरी ल्याएको यस योजनामा बैंकका ग्राहकहरुले बैंकको एप प्रयोग गरी टिकट बुकिङ तथा खरिद गर्न सक्नेछन्।

डिजिटल बैंकिङको अवधारणा अनुरुप बैंकको एपमार्फत टिकट बुकिङमा ग्राहकहरुले पहिलो टिकट बुकिङमा ५०० रुपैयाँ अधिकतम एवंम् दोश्रो पटकबाट १०० रुपैयाँसम्म क्यास व्याक प्राप्त गर्न सक्ने बैंकले बताएको छ।

‘डिजिटल फस्ट बैंक’ बन्ने दीर्घकालीन रणनीति अनुरुप सम्पूर्ण बैंकिङ सेवा तथा सुविधाहरू क्रमिक रुपले डिजिटल माध्यमबाट प्रदान गर्ने हेतुले यस बैंकले पछिल्लो समय ग्राहकहरुलाई जुनसुकै स्थानबाट, जुनसुकै समयमा बैंकिङ सेवाहरू उपभोग गर्न मिल्ने हिसाबले सेल्फ हेल्प बैंकिङको अभ्यासलाई आईसर्भमार्फत अघि बढाईरहेको छ।

जसअनुसार बैंकले यस एपबाट निक्षेप खाताको जानकारी, एकाउण्ट स्टेटमेन्ट, रकम ट्रान्सफर, आन्तरिक रेमिट्यान्स, अनलाईन खाता खोल्ने, मुद्दती निक्षेप खोल्ने, बैंकका शाखा तथा एटिएमको जानकारी, मोबाइल टपअप, युटिलीटि बिल भुक्तानी, आइपिओ आवेदन लगायतका सुविधाहरू ग्राहक महानुभावहरूले जुनसुकै स्थानबाट, जुनसुकै समयमा उपभोग गर्न सक्ने जनाएको छ।