काठमाडौं ।
भारतीय रिजर्भ बैंकबाट “अनौपचारिक दबाब” को कारण क्रिप्टो एक्सचेन्ज क्वाइनबेसले भारतमा व्यापारिक सेवा रोकेको छ। एक महिनामा पहिलो पटक उल्लेखनीय भारतीय एपिसोडलाई सम्बोधन गर्दै क्रिप्टो एक्सचेन्जका प्रमुख कार्यकारीले मंगलबार सो जानकारी दिएका हुन्।
नास्डाकमा सूचीबद्ध फर्मले अप्रिल ७ मा भारतमा आफ्नो सहायक क्रिप्टो व्यापारिक सेवा सुरु गर्यो। एपले विश्वको दोस्रो ठूलो इन्टरनेट बजारका प्रयोगकर्ताहरूलाई यूपीआई प्रयोग गरी क्रिप्टो टोकनहरू किन्न अनुमति दियो, जो खुद्रा बैंकहरूको गठबन्धनद्वारा निर्मित अत्यधिक लोकप्रिय भारतीय भुक्तानी पूर्वाधार हो। तर सुरु भएको तीन दिन पछि नै फर्मले कुनै व्याख्या बिना सेवा फिर्ता गरेको टेकक्रन्चले उल्लेख गरेको छ।
यो कदम भारतको राष्ट्रिय भुक्तानी निगम, देशमा यूपीआईको निरीक्षण गर्ने परिचालक निकायद्वारा बनाईएको एक अनौठो भनाई पछि आएको हो जसमा यसले क्वाइनबेसको एपमा यूपीआई सपोर्ट स्वीकार गर्न अस्वीकार गर्यो।
कम्पनीको आय कलमा भारतीय एपिसोडको बारेमा सोध्दा, क्वाइनबेसका सह-संस्थापक र प्रमुख कार्यकारी ब्रायन आर्मस्ट्रङले क्वाइनबेसले यूपीआई डिसेबल पारेको बताए जसमा उनले भने, “भारतीय रिजर्भ बैंक (आरबीआई) बाट केही अनौपचारिक दबाबको कारण।”
भारतमा क्रिप्टो प्रतिबन्धित नभएपनि भारी कर लगाईएको छ भने भारतको केन्द्रीय बैंकले यसलाई ‘ग्रे जोन’मा राखेको बताईएको छ। जसले गर्दा आरबीआईले यसमा कडाई गरिरहेको छ।
प्रकाशित: २८ बैशाख २०७९, बुधबार
