काठमाडौं ।
विदेशमा अध्ययनरत नेपाली युवतीको तस्बिर/भिडियो सामाजिक सञ्जालमा प्रयोग गरी अश्लील स्टाटस पोस्ट गरेको आरोपमा एक व्यक्ति पक्राउ परेका छन्।
रुपन्देही जिल्ला, बुटवल-११ देवीनगर बस्ने एलिस भन्ने राजन श्रेष्ठलाई पक्राउ गरिएको नेपाल प्रहरीको साइबर ब्यूरोले विज्ञप्तिमार्फत् जानकारी दिएको हो।
आरोपित श्रेष्ठले सामाजिक सञ्जाल फेसबुकमा फेक प्रोफाइल बनाई उक्त प्रोफाइलबाट ती युवतीको अश्लील फोटो/भिडियो पोस्ट गर्नुका साथै अश्लील स्टाटस लेखेर पीडीतका आफन्त तथा साथीभाइलाई शेयर गरेको ब्यूरोको भनाई छ।
उक्त गतिविधिमार्फत् ती पीडित महिलाको चरित्र हत्या गरेको र उक्त कार्य विद्युतीय कारोबार ऐन २०६३ अन्तर्गतको कसूरमा परेकाले जिल्ला अदालत काठमाडाैंबाट इजाजत लिई आरोपित श्रेष्ठलाई फागुन ३ गते मंगलबार पक्राउ गरिएको ब्यूरोले जनाएको छ।
पक्राउ परेका उनलाई अदालतकै आदेशमा ७ दिन म्याद थप गरी अनुसन्धान भइरहेको पनि बुझिएको छ।
सम्बन्धित समाचार
प्र्यांक गर्ने नाममा तस्विर वा भिडियो सामाजिक सञ्जालमा सेयर गर्नेलाई कारबाहीको चेतावनी
*हेडलाइन सम्पादन गरिएको
प्रकाशित: ४ फाल्गुन २०७८, बुधबार
