फेसबुक पोस्टमा लेख्नुका साथै बोलेर कमेन्ट गर्न सकिने, नयाँ फिचरमा काम गर्दै कम्पनी

काठमाडौं ।

सोसल मिडिया प्लेटफर्म फेसबुक यसको सजिलो र लगातार नयाँ सुविधाहरूको कारण संसारभर लोकप्रिय छ। यो यस्तो प्लेटफर्म हो जसलाई कम शिक्षित व्यक्तिहरूले पनि राम्रोसँग प्रयोग गर्छन्।

अब यसलाई प्रयोगमा थप सहज बनाउन कम्पनीले चाँडै नै यसमा अर्को विशेष सुविधा थप्ने तयारी गरिरहेको छ । यो फिचर ल्याएपछि मानिसहरुलाई कुनै पनि पोस्टमा कमेन्ट गर्न सहज हुनेछ।

रिपोर्टका अनुसार, कम्पनीले प्रयोगकर्ताहरूलाई फेसबुकमा कुनै पनि पोस्टमा १० सेकेन्डसम्मको भ्वाइस कमेन्टको विकल्प दिन सक्नेछ।

भ्वाइस इफेक्ट पनि उपलब्ध हुने
रिपोर्टका अनुसार मेटाको स्वामित्वमा रहेको फेसबुक कम्पनीले यो विशेष फिचरको परीक्षण सुरु गरेको छ। हालसम्म आएको जानकारी अनुसार फेसबुक प्रयोगकर्ताले अब कुनै पनि पोस्टमा भ्वाइस मेसेजमार्फत लेखेर बाहेक अडियोमार्फत कमेन्ट गर्न सक्नेछन् । यद्यपि, कमेन्टको लागि, अडियो समय १० सेकेन्डसम्म मात्र उपलब्ध हुनेछ। यस बाहेक, तपाईँले भ्वाइस कमेन्ट छोड्दा भ्वाइस इफेक्ट पनि पाउनुहुनेछ।

यसरी गर्नेछ काम
यो सुविधाले काम गर्ने तरिकाको बारेमा कुरा गर्दा, यो सामान्य टाइपिङ जस्तै हुनेछ। मानौं तपाईको फेसबुक पेजमा एउटा पोस्ट छ। यदि तपाईं यसमा आफ्नो प्रतिक्रिया दिन चाहनुहुन्छ भने, तपाईंले त्यो पोस्टको तल दिइएको कमेन्ट सेक्शनमा क्लिक गर्नुपर्नेछ। दायाँ छेउमा तपाईँले भ्वाइस कमेन्टको विकल्प पाउन सक्नुहुनेछ।

यसलाई चयन गरेपछि, तपाईंले आफ्नो भ्वाइस सन्देश रेकर्ड गर्नुहोस् र त्यहाँ इन्टर थिच्नुहोस्। तपाईंको भ्वाइस कमेन्ट पोस्टमा सिधै अपलोड हुनेछ।

तर यो फिचर सर्बसाधारणकालागि कहिलेसम्म उपलब्ध हुन्छ भन्ने कुनै जानकारी छैन् । कम्पनीले छिटै नै यो फिचर ल्याउने अनुमान गरिएको छ। जसले गर्दा निरक्षर वा लेख्न नसक्ने मानिसहरुले समेत फेसबुकमा आवाजमार्फत पोस्ट कमेन्ट गर्न सक्नेछन्।