काठमाडौं ।
गुगल मिटको नवीनतम बीटा सुविधाले विदेशी ग्राहकहरु, साझेदारहरु, बिद्यार्थीहरु र कर्मचारीहरुसँगको भिडियो सम्मेलनहरुलाई अझ सजिलो बनाउन मद्दत गर्न सक्ने भएकोछ।
टेक जायन्टले कार्यक्रमको लागी प्रत्यक्ष अनुवादित क्याप्शनको परीक्षण शुरू गरेको छ, जुन मिटको मानक लाइभ क्याप्शनबाट एक कदम माथि हो।
प्रारम्भिक चरणमा अंग्रेजी भाषामा आयोजित बैठकहरुलाई सपोर्ट गर्दछ जसले यसलाई स्पेनिश, फ्रेन्च, पोर्चुगाली र जर्मन भाषामा अनुवाद गर्न सक्ने इन्ग्याजेटको रिपोर्टमा उल्लेख छ।
यसको अतिरिक्त, सो फिचरको उपयोग हाल गुगल वर्कस्पेस बिजनेस प्लस, इन्टरप्राइज स्ट्याण्डर्ड, इन्टरप्राइज प्लस, एजुकेसन प्लस र टिचिङ्ग एण्ड लर्निङ्ग अपग्रेड प्रयोगकर्ताहरुद्वारा आयोजित बैठकहरुको लागी मात्र उपलब्ध छ। इच्छुक प्रशासकहरुले सुविधाको लागी उनीहरुको बैठकमा सो सुबिधा प्रयोग गर्नु र देखा पर्नु अघि पहुँचको लागी आवेदन गर्नुपर्छ।
यसलाई सक्षम गर्नको लागी, अनुवादित क्याप्शनमा टगल गर्नु भन्दा पहिले प्रयोगकर्ताहरुले सेटिंग्समा गई क्याप्शनमा स्विच गर्नुपर्छ र अंग्रेजीमा सेट गर्नुपर्छ । उनीहरुले त्यसपछि अनुवादित भाषा विकल्प मध्ये एक छनौट गर्न सक्छन्।
“अनुवादित क्याप्शनले गूगल मिट भिडियो कललाई अधिक विश्वव्यापी, समावेशी र प्रभावकारी हुनका लागि सहयोग गर्न एक बाधाको रूपमा रहेको भाषा क्षमतालाई हटाउन मद्दत गर्दछ,” गुगलले घोषणामा भनेको छ।
प्रकाशित: १३ आश्विन २०७८, बुधबार
