ताजा समाचार

टिकटक बनाउने क्रममा सेती नदीमा खसेर एक युवती बेपत्ता

टिकटक बनाउने क्रममा सेती नदीमा खसेर एक युवती बेपत्ता
Global IME Bank

टिकटक बनाउने क्रममा सेती नदीमा खसेर एक युवती बेपत्ता भएकी छन् । शुक्लागण्डकी नगरपालिका–८ पुलचोकस्थित सेती नदी (रक गार्डेन) मा खस्दा लालिमकी १९ वर्षीया पवित्रा लम्साल बेपत्ता भएकी हुन् ।

५ दिनअघि मात्र विवाह भएकी उनी दुल्हन फर्काउन माइती आएको बेलामा सेती नदी नजिकैको पुल्चोकमा टिकटक बनाउने क्रममा चिप्लिदा बेपत्ता भएको ईलाका प्रहरी कार्यालय बेलचौताराले जनाएको छ ।

उनी माथिल्लो काठको पुल छेउमा रहेको ढुंगामा उभिएकी र चिप्लिएर नदीमा खसेको उनका साथीहरुले बताएको प्रहरी निरीक्षक ज्ञानबहादुर खड्काले बताए ।

नदीमा खसेपछि उनका साथीहरुले प्रहरीलाई खबर गरेका थिए । बेपत्ता लम्सालको खोजी भइरहेको प्रहरीले जनाएको छ ।

Sajilo Visa
easy care