जब इलन मस्कको स्टारलिंक ब्रोडब्यान्ड इन्टरनेटको छतमा राखिने छातामा परेवा बस्यो…

काठमाडौं ।

इलन मस्कको स्टारलिंक कम्पनीले दिने ब्रोडब्यान्ड सेवामा परेवाहरु बाधक बनेको नयाँ तथ्य बाहिर आएको छ।

हालै अमेरिकाको यूनिभर्सिटी अफ सर्रेका साइबर सुरक्षा विज्ञले स्टारलिंक कम्पनीले दिने ब्रोडब्यान्ड सेवामा मानिसहरुको छतमा राखिने थाल आकारको डिसमा परेवा बसेका कारण समस्या आएको बताएका हुन्।

उपभोक्ताको छतमा रहने सानो खैरो रंगको डिसमा परेवाहरु उत्सुकतापूर्वक बस्ने भएकाले स्याटेलाइटबाट आउने ब्रोडब्यान्ड सिग्नलमा गडबडी आउने गरेको उनको भनाइ छ।

फाइबर ब्रोडब्यान्ड कनेक्शन उपलब्ध हुनै नसक्ने ठाउँमा बस्ने प्रोफेसर वुडवार्ड हालै इलन मस्कले बिटा परीक्षणका लागि उपलब्ध गराएको १ लाख टर्मिनलमध्ये एउटा पाउने भाग्यमानी व्यक्तिहरुमा परेकोमा निकै खुशी छन्।

उक्त डिशले पृथ्वीको सतहबाट ५५० किमि दूरीमा रहेका कन्स्टेलेशनमा रहेका १७ सय स्याटेलाइटहरुबाट सिग्नल लिने र दिने गर्छन्। लो अर्थ अर्बिटमा रहेका यी स्याटेलाइटहरु पृथ्वीलाई ९० मिनटमा परिक्रमा गरिसक्ने गतिमा घुमिरहेका हुन्छन्।

प्रोफेसर एडवार्ड्सले लो अर्थ अर्बिटको इन्टरनेट सिग्नलमा आएको समस्याको कारक खोजिरहेकै बेला एक विज्ञले अन्तर्राष्ट्रिय समाचार संस्था बीबीसीलाई बताए अनुसार स्टारलिंकको एन्टेनामा परेवा बसेका कारण एन्टेनाको कार्यक्षमतामा ह्रास आएको बताएका छन्।

तर परेवा मात्र सम्पूर्ण समस्याको कारक नभएको र यो हप्ता यो सेवा प्रयोग गरिरहेका संसारभरका सबै प्रयोगकर्ताले इन्टरनेट कनेक्टिभिटीमा समस्या भोग्नुपरेको उनको भनाइ छ।

‘इन्टरनेटको सिग्नल अचानक बन्द भयो’, प्रोफेसर वुडवार्डले भने।

हालसम्म बिटा परीक्षणको चरणमै रहेको स्टारलिंकको ब्रोडब्यान्ड इन्टरनेट सेवा थुप्रै यूजरकोमा करिब १ घण्टाको हाराहारी पूर्ण रुपमा बन्द भएको थियो। तर यसबारेमा स्टारलिंकले कुनै अभिव्यक्ति दिएको छैन।