काठमाडौं ।
कोभिड १९ को नयाँ लहरहरुको बावजुद, सामसङ इलेक्ट्रोनिक्सले भियतनाममा पहिले नै १७.५ अर्ब अमेरिकी डलरको लगानी गरिसकेपछि थप लगानी बढाउने योजना बनाएको भियतनामनेटले समाचारमा जनाएको छ।
सामसङको हाईइण्ड ह्यान्डसेट र इलेक्ट्रोनिक्सले भियतनामको कुल निर्यातको २० प्रतिशत हिस्सा ओगट्छ।
दक्षिण कोरियाली इलेक्ट्रोनिक्स निर्माता वाक निह र थाई न्यूयेन प्रान्तहरुमा औद्योगिक पार्कहरुमा १ लाख ७० हजार भन्दा बढी कामदारहरुलाई आकर्षित गरेको छ।
फिच सलुसन्सका अनुसार, कोभिड १९ ले विदेशी कम्पनीहरुलाई भियतनाममा लगानी गर्नबाट रोकेको छैन। ६५ प्रतिशत विदेशी फर्महरुले उत्तरी भियतनाममा उत्पादन सुविधाहरुको निर्माण गर्न छनौट गरेका छन् भने लगभग ३० प्रतिशत दक्षिणमा बसोबास गरे, जबकि बाँकी लगानीकर्ताहरु मध्य क्षेत्रमा अवस्थित छन्।
जापानमा आधारित पानासोनिकले रेफ्रिजरेटर र वाशिङ्ग मेशिनको उत्पादन थाइल्याण्डबाट भियतनाम सारेको छ ।
केपीएमजी ट्याक्स एडभाइजरीकाअनुसार, उत्तरी भियतनाम चीनको लागी भौगोलिक निकटता, सुविधाजनक पारवहन प्रणाली, र औद्योगिक उपयोगको लागी भूमिको कम लागतको कारण एक विनिर्माण केन्द्र बन्यो।
एक औद्योगिक विशेषज्ञको अनुसार, तयार पारिएका औद्योगिक पार्कहरु भियतनामलाई आधार बनाउन चाहने विदेशी फर्महरुको लागि मुख्य कारण हो। भियतनामी सरकारले ठूला विदेशी फर्महरुका माग पूरा गर्नको लागी अधिक औद्योगिक पार्कहरुको विस्तारको अनुमोदन गरेको छ। एजेन्सी
प्रकाशित: ८ भाद्र २०७८, मंगलवार
