कनेक्ट आईपीएस र कर्पोरेट पे प्रणालीको सेवा २ दिन बन्द

काठमाडौं ।

नेपाल क्लियरिङ हाउस लिमिटेडले आफ्नो सेवाहरु आगामी २ दिन बन्द हुने भएको छ । पेमेन्ट गेटवेको काम गर्दै आएको कम्पनीले कनेक्ट आईपीएस र कर्पोरेट पे प्रणालीहरूको सेवा बन्द हुने भएको जानकारी दिएको हो ।

शुक्रबार र आईतबार साँझ ५ बजेदेखि ७ बजेसम्म कनेक्ट आईपीएस र कर्पोरेट पे प्रणालीहरूको सेवा बन्द हुने भएको हो।

नेपाल क्लियरिङ हाउस लिमिटेडको डाटा सेन्टर अपग्रेड तथा माइग्रेसन गर्नुपर्ने भएकाले शुक्रबार २ घण्टा र आईतबार २ घण्टा सेवा बन्द हुने कम्पनीले जानकारी दिएको छ ।

कम्पनीले डाटा सेन्टर अपग्रेडेसन तथा स्थानान्तरणको कार्य गर्ने भन्दै सेवा सो समयमा बन्द हुने उल्लेख गरेको छ ।

नेपाल क्लियरिङ हाउस नेपाल राष्ट्र बैंकबाट भुक्तानी प्रणाली सञ्चालकको अनुमति प्राप्त संस्था हो । जसले कनेक्ट आईपीएस, कर्पोरेट पे लगायतका सिस्टम सञ्चालन गर्दै आएको छ।