टेस्लाले मानव रोबोटको प्रोटोटाइप अर्को वर्ष ल्याउने, जोखिमयुक्त काममा प्रयोग हुने मस्कको भनाई

काठमाडौं ।

टेस्ला इंकका प्रमुख कार्यकारी इलन मस्कले बिहीबार इलेक्ट्रिक कार निर्माताले अर्को बर्ष “टेस्ला बोट” ह्युमनोइड रोबोट प्रोटोटाइप शुरू गर्ने बताएका छन् । जो खतरनाक, दोहोर्याउने वा बोरिंग कामको लागी डिजाइन गरीएको छ जुन मानिसहरु गर्न मन पराउँदैनन्।

टेस्लाको एआई डे कार्यक्रममा बोल्दै अर्बपति उद्यमीले पाँच फिट आठ इन्च अग्लो रहेको रोबोटले कारमा रिन्चले बोल्ट लगाउन वा स्टोरहरुबाट ग्रोसरी सामान किन्ने काम सम्हाल्न सक्नेछ।

श्रम अभावको विषयलाई सम्बोधन गर्दै मस्कले भने, “रोबोटले” अर्थव्यवस्थाको लागी गहिरो प्रभाव पार्नेछ।” त्यसकारण पनि यो मेशिन “अति महँगो” बनाउन नहुने बताए।

एआई दिवस कार्यक्रम टेस्लाको “पूर्ण आत्मनिर्भर ड्राइभिङ्ग” एडभान्स चालक सहायक प्रणालीको सुरक्षा र क्षमतामा बढ्दो जाँचको बीच आएको छ।

मस्कले टेस्ला टेक्नोलोजीको सुरक्षाको बारेमा छानबिनमा कुनै टिप्पणी गरेनन् तर भने कि उनी वर्तमान कारमा राखिएका क्यामरा र कम्प्युटरहरुको उपयोग गरेर मानिसहरुको तुलनामा उच्च सुरक्षाका साथ पूर्ण आत्मनिर्भर-ड्राइभिङ्ग (सेल्फ ड्राइभिङ्ग) हासिल गर्नको लागी विश्वस्त थिए।

अमेरिकी सुरक्षा नियामकहरूले यस हप्ताको सुरुमा टेस्लाको चालक सहायक प्रणालीमा एक अनुसन्धान शुरु गरेका छन् जहाँ टेस्ला कारहरु स्थिर पुलिस कारहरु र फायर ट्रकहरुमा ठोक्किएका थिए।

बिहीबारको कार्यक्रममा टेस्लाले यसको उच्च गतिको कम्प्यूटर, डोजोको लागी यसको स्वचालित ड्राइभिङ्ग प्रणालीको विकासमा मद्दत गर्न आफैंले डिजाइन गरिएको चिप्सको अनावरण गरेको छ। मस्ककाअनुसार डोजो अर्को बर्ष सञ्चालनमा आउनेछ।