भिभो एक्स७० प्रो मुख्य विवरणसहित गीकबेन्चमा

काठमाडौं ।

चिनियाँ स्मार्टफोन ब्रान्डको नयाँ भिभो एक्स७० प्रो हालै गीकबेन्चमा देखा परेको छ। उक्त साइटमा आउँदै गरेको फोनका मुख्य स्पेसिफिकेशन पनि उपलब्ध गराइएको थियो।

कम्पनीले यो डिभाइस आउँदो सेप्टेम्बरमा सार्वजनिक गर्ने तालिका बनाएको छ। उक्त दिन कम्पनीले यो फ्ल्यागशिप सिरिज अन्तर्गत तीन ओटा नयाँ मोडलहरु सार्वजनिक गर्ने बुझिएको छ।

यी मोडलमहरुमा एक्स७० प्रो प्लस, एक्स७० प्रो तथा एक्स७० भ्यानिला अर्थात् बेस भेरियन्ट रहेका छन्।

तर भिभोले यी सबै डिसभाइसका विवरणहरु हालसम्म गोप्य नै राखेको छ। तर विभिन्न रुमर तथा लिकस्टरहरुले यी स्मार्टफोनका स्पेसिफिकेशन बाहिर ल्याएका छन्।

लीक भएको विवरण अनुसार एक्स७० प्रोमा मिडियाटेकको डाइमेन्सिटी १२०० चिपसेट रहने र यहि चिपसेट भ्यानिला एक्स७० मोडलमा पनि रहनेछ।

गीकबेन्चमा देखिएको प्रो मोडल हुनसक्ने र यसमा १२ जीबी र्याम रहने आकलन गरिएको छ। यसबाहेक कम्पनीले एन्ड्रोइड ११ र ओरिजिन ओएसहित ल्याउने पनि बुझिएको छ।