क्रिप्टो एक्सचेन्ज बाइनान्सलाई बेलायतमा वित्तीय नियामकद्धारा गतिविधिहरू रोक्न आदेश

काठमाडौं ।

बेलायतको वित्तीय आचरण प्राधिकरण (एफसीए) ले क्रिप्टोक्ररेन्सी एक्सचेन्ज बाइनान्सलाई देशमा कुनै पनि विनियमित गतिविधि गर्न रोक्न आदेश दिएको छ। फर्मसँग आधिकारिकता अभाव भएको भन्दै सो रोक लगाउने आदेश दिएको रोयटर्सले जानकारी दिएको छ।

‘एक्सचेन्जले एफसीएको पूर्व लिखित सहमतिबिना कुनै विनियमन गतिविधिहरू गर्न अनुमति दिँदैन,’ वाचडगले विज्ञप्तिमा भन्यो।

‘बाइनान्स समूहमा अन्य कुनै पनि संस्थाले बेलायतको नियमित गतिविधि सञ्चालन गर्न कुनै पनि प्रकारको बेलायत प्रमाणीकरण, दर्ता वा इजाजतपत्र राख्दैन,’ एफसीएको विज्ञप्तिमा भनिएको छ।

रोयटर्सकाअनुसार बेलायतको कदम त्यस्तो समयमा आएको छ जतिबेला विश्वको सबैभन्दा ठूलो क्रिप्टोकरेन्सी एक्सचेन्ज बाइनान्सलाई संयुक्त राज्य अमेरिका र जर्मनी लगायत अन्य देशहरूमा नियामकहरूले अनुसन्धान गरिरहेका छन्।

‘अमेरिकी न्याय विभाग र आन्तरिक राजस्व सेवाका अधिकारीहरू जसले मनी लड्रिङ्ग र कर अपराधहरूको छानबिन गर्छन् उनीहरुले कम्पनीको व्यवसायमा अन्तरदृष्टि भएका व्यक्तिहरूबाट जानकारी लिएका छन्,’ ब्लूमबर्गले गत महिना रिपोर्ट गरेको थियो।

अप्रिलमा, जर्मनीको वित्तीय नियामक बाफिनले एक्सचेन्जलाई लगानीकर्ता प्रोस्पेक्टस बिना डिजिटल टोकनहरू प्रस्ताव गरेकोमा जरिवाना लगाइने चेतावनी दिएको थियो।