ताजा समाचार

फेस्टले अनलाइन मार्फत निशुल्क पाइथन प्रोग्रामिङ सञ्चालन गर्ने

फेस्टले अनलाइन मार्फत निशुल्क पाइथन प्रोग्रामिङ सञ्चालन गर्ने
Global IME Bank

कोरोना महामारिका कारण जारी निषेधाज्ञाको समय सदुपयोग गर्ने उद्देश्वका साथ फ्युचर एजुकेशन अफ साइन्स एण्ड टेक्नोलोजीले निशुल्क रुपमा पाइथन प्रोग्रामिङ सञ्चालन गर्ने भएको छ । फेस्ट कम्पनीले यसभन्दा पहिले पनि विभिन्न अनलाइन मार्फत विभिन्न कोर्षहरु निशुल्क सञ्चालन गरेको थियो ।

दैनिक ९० मिनेटको सेसनको दरले कुल ७ घण्टा आउँदो २५ जेठबाट शुरु हुने निशुल्क कक्षा २९ जेठ सम्म सञ्चालन हुने जानकारी दिएको छ ।

निशुल्क अनलाइन कक्षामा पाइथन प्रोग्रामिङ अवसर र क्यारियरको विषयमा व्यापक चर्चा हुनेछ । पाइथनबाट बनेका विभिन्न प्रोजेक्टहरु बारेमा पनि जानकारी दिइनेछ । निशुल्क कक्षामा पाइथनको फण्डामेन्टल्स, फ्रेमवर्क, स्कोप र एप्रोचेज आदी विभिन्न विषयमा केन्द्रीत रहेर तालिम सञ्चालन हुनेछ ।

पाइथन सेसनका लागि सुरुमा रजिस्टर गर्नेलाई प्राथमिकता दिइनेछ कम्पनिले जनाएको छ । सेसनको समय विहान ११ बजे देखि १२.३० बजे सम्म सञ्चालन हुनेछ ।

फेस्टले लकडाउनमा नै निशुल्क वर्णमाला गुगल प्ले स्टोरमा सार्वजनिक र सयौँ जनालाई प्रोग्रामिङ ल्याङवेज पढाइसकेको छ । विशेष गरी फेस्ट शिक्षा क्षेत्रमा काम गरिरहेको छ ।

फेस्टले विभिन्न क्षेत्रसँग सम्बन्धित सफ्टवेयर, वेबपेज डिजाइनिङ, डाटावेश डिजाइनिङ, विभिन्न किसिमका एप्लिकेशन बनाउने र आइटी सम्बन्धि काम परामर्श र इन्टनसिप र जागिरको व्यवस्था गर्ने काम पनि गरिरहेको छ । फेस्ट कम्पनीले विज्ञान र प्रविधिको क्षेत्रमा विगत ७ वर्ष देखि निरन्तर रुपमा सरकारी तथा गैरससरकारी संस्थाहरुमा प्रत्यक्ष तथा अप्रत्यक्ष रुपमा काम गरिरहेको जनाएको छ ।

निशुल्क रुपमा पाइथन प्रोग्रामिङ सिक्न चाहनुहुन्छ भने यहाँ क्लिक गरी फाराम भर्नुहोस् र आफ्नो सिट सुरक्षित गर्नुहोस् ।

Sajilo Visa
easy care