काठमाडौं ।
युरोपेली मुलुक फ्रान्सको डाटा गोपनीयता निगरानी निकाय, सीएनआईएलले गुगललाई १२.१ करोड अमेरिकी डलर र अमेजनलाई ४.२ करोड डलर जरिवाना लगाएको छ। यी दुवै जरिवाना देशको विज्ञापन कुकीज नियम उल्लंघन गरेको कारण लगाइएको हो।
सूचना तथा लिबर्टी सम्बन्धी राष्ट्रिय आयोग (सीएनआईएल) ले एक विज्ञप्तिमा भन्यो कि यी दुई कम्पनीहरुका फ्रान्सेली वेबसाइटहरुले विज्ञापन उद्देश्यका लागि ट्र्याकर र कुकिज पढ्न इन्टरनेट उपभोक्ताहरुबाट पहिले नै अनुमति लिएनन। यी कुकीज र ट्र्याकरहरू स्वचालित रूपमा व्यक्तिको कम्प्युटरमा सेभ हुने गर्दछन्।
सीएनआईएलले आफ्नो विज्ञप्तिमा भन्यो कि गुगल र अमेजन पनि उपभोक्ताहरूलाई उनीहरूले यो कुकिज कुन उद्देश्यका लागि प्रयोग गर्ने छन् र उपभोक्ताहरूले कसरी इन्कार गर्न सक्छन् भनेर बताउन असफल भए। यसका साथ सीएनआईएलले भने कि सेप्टेम्बर महिनामा दुबै कम्पनीले आफ्नो वेबसाइटमा केही परिवर्तन गरेका थिए। फ्रान्सको नियम अनुसार पर्याप्त थिएन।
फ्रान्सेली संस्था सीएनआईएलले गुगललाई दोष दिँदै भने कि जुन डाटा कुकीजको सहयोगले संकलन गरिएको थियो, यस मार्फत गुगलले अनुचित रूपमा कमाएको छ। लगभग ५ करोड प्रयोगकर्ताहरुमा सीधा प्रभाव परेको छ । उही समयमा संस्थाले नियमको उल्लंघनको आधारमा जरिवानाको रकम सही भएको बताएकोछ।
सीएनआईएलले गुगल र अमेजनलाई तीन महिना दिएको छ। जसमा यी दुबै कम्पनीहरूले आफ्नो काम गर्ने विधिहरू परिवर्तन गर्नुपर्नेछ र प्रयोगकर्ताहरूलाई कसरी, उनीहरूले कुकीजहरू इन्कार गर्न सक्दछन् भनेर भन्नुपर्नेछ।
यदि दुबै कम्पनीहरूले सीएनआईएलले तोकेको समय सीमामा ठोस कदम चालेनन भने तिनीहरूलाई दिनहुँ १२१,०९५ अमेरिकी डलर जरिवाना गरिनेछ। एजेन्सी
प्रकाशित: २७ मंसिर २०७७, शनिबार
