स्प्लिट स्क्रिनको साथ स्मार्टफोनमा एकैचोटि प्रयोग गर्नुहोस् दुईवटा एप, जान्नुहोस् यो साधारण ट्रिक

काठमाडौं ।

एन्ड्रोइड स्मार्टफोनमा दैनिक काम लाग्ने धेरै सुविधाहरू छन् जसको बारेमा हामी सचेत छैनौं। तपाईं आफ्नो फोनलाई रिंगटोनदेखि स्क्रिन, वालपेपर, होमपेजलाई आफैँ सेट गर्न सक्नुहुनेछ।

तर के तपाईँलाई स्प्लीट (विभाजित) स्क्रीनको विकल्पको बारेमा थाहा छ ? छैन्, भने आज हामी तपाईँको स्मार्टफोनको त्यस्तो सेटिङ्गको बारेमा बताउँदैछौं जसको माध्यमबाट तपाईँ आफ्नो फोनको स्क्रिन परिवर्तन गर्न सक्नुहुनेछ। यसलाई स्प्लिट स्क्रिन भनिन्छ।

यस सुविधामार्फत स्मार्टफोनको स्क्रीन दुई भागमा विभाजन गर्न सकिन्छ। यदि तपाईं पनि धेरै एपहरू प्रयोग गर्नुहुन्छ र यो सुविधा प्रयोग गर्न चाहनुहुन्छ भने, हामी तपाईंलाई स्टेप-बाई-स्टेप सम्पूर्ण तरीका बताउँदैछौं।

फोनमा स्क्रिन कसरी विभाजन गर्ने

• स्प्लिट स्क्रिनको लागि, तपाईंले पहिले फोन स्क्रिनमा जानु पर्छ। यहाँ तपाईं रिसेन्ट एपहरूको बटन देख्नुहुनेछ, जसमा क्लिक गर्नुपर्नेछ। अब तपाईँले भर्खर प्रयोग गरेका एपहरू देख्नु हुनेछ।
• अब तपाईँले जून एपलाई स्प्लिट स्क्रिनको रूपमा प्रयोग गर्न चाहनुभएको छ त्यसलाई तपाईले होल्ड गर्नुपर्छ।
• अब मेनू बक्स तपाईंको अगाडि खुल्नेछ, जसमा स्प्लिट स्क्रिन भ्यू (Use in Split Screen View)मा प्रयोगको विकल्प देखिनेछ। तपाईंले यसलाई क्लिक गर्नुपर्नेछ।
• अब त्यस दोस्रो स्क्रिनमा क्लिक गर्नुहोस् जसलाई तपाईं आधा स्क्रिनको रूपमा प्रयोग गर्न चाहनुहुन्छ।
• यहाँ तपाईँले आफ्नै चाहनाअनुसार विन्डोको साइज एडजस्ट गर्न सक्नुहुन्छ। यहाँ तपाईंले एक कालो रेखा देख्नुहुनेछ जसलाई तपाईं बढी वा कम गर्न सक्नुहुन्छ।
• अब तपाईं आफ्नो स्मार्टफोनमा एक साथ दुई स्क्रीन प्रयोग गर्न सक्नुहुनेछ, यसले एप्सलाई खोजी गर्न सजिलो बनाउँदछ जुन अधिक प्रयोग गर्ने गरिन्छ।

ध्यानमा राख्नुहोस् कि तपाईं यस स्प्लिट स्क्रिन सुविधा स्मार्टफोनको केवल एन्ड्रोइड भर्सन ९.० पाई र एन्ड्रोइड १० अपरेटिंग सिस्टममा मात्र प्रयोग गर्न सक्नुहुनेछ।