ताजा समाचार

सरकारी वेबसाइटहरु डाउन, एनआईटिसीमा रहेको हार्ड डिस्क क्र्याश हुँदा सयौं साइट बन्द

सरकारी वेबसाइटहरु डाउन, एनआईटिसीमा रहेको हार्ड डिस्क क्र्याश हुँदा सयौं साइट बन्द
Global IME Bank

राष्ट्रिय सूचना प्रविधि केन्द्र (एनआईटिसी)मा आधारित रहेका सरकारी निकायहरुको वेबसाइट डाउन भएको छ । केन्द्रमा होस्ट गरिएका सम्पूर्ण सरकारी निकायका वेबसाइट डाउन भएको हो ।

केन्द्रमा सरकारी निकायका वेबसाइटहरुको डाटा स्टोरको लागि उपयोग हुँदै आएको हार्ड डिस्क नै क्र्यास भएसँगै देशभरका करिब १२ सय वेबसाइटहरु डाउन भएको स्रोतले जानकारी दिएको छ ।

यो समाचार तयार पार्दासम्म अर्थ मन्त्रालय, कम्पनी रजिस्ट्रारको कार्यालय, कृषि विभाग, स्वास्थ्य सेवा विभाग, स्वास्थ्य तथा जनसंख्या मन्त्रालय, हुलाक सेवा विभागलगायत करिब १२ सय सरकारी निकायको वेबसाइट नखुलेका र प्रभावित भएका छन् ।

ती सबै साइटहरुमा द कनेक्सन ह्यास टाईम आउट भनेर देखाएको छ ।

केन्द्रमा राखिएका हार्ड डिस्कमा समस्या हुँदा सरकारी वेबसाइटहरु डाउन भएको स्रोतले दाबी गरेको छ ।

‘केन्द्रका हार्ड डिस्क गूणस्तरहिन हुँदा यसअघि पनि पटक पटक समस्या देखिने गरेको थियो। यसपटक रिकभर नहुने गरि नै क्रयास भएको छ,’ स्रोतले भन्यो ।

यस बारेमा थप जानकारीको लागि केन्द्रका सूचना अधिकारी रमेश प्रसाद पोखरेललाई सम्पर्क गर्न खोज्दा सम्पर्क हुन सकेन् ।

केन्द्र भन्दा बाहिर होस्ट गरिएका वेबसाइटहरु भने संचालन भईरहेका छन् ।

Sajilo Visa
easy care