एप्लिकेसन

टिकटक डाउनलोडलाई रोक्ने ट्रम्प प्रशासनको प्रतिबन्ध विरुद्ध अमेरिकी न्यायाधीशको आदेश

टिकटक डाउनलोडलाई रोक्ने ट्रम्प प्रशासनको प्रतिबन्ध विरुद्ध अमेरिकी न्यायाधीशको आदेश
Global IME Bank

संयुक्त राज्य अमेरिकाका एक न्यायाधीशले अस्थायी रूपमा ट्रम्प प्रशासनको आदेशलाई अवरुद्ध गरेका छन । जुन आदेशले एप्पल इंक र अल्फाबेट इंकको गूगललाई चिनियाँ स्वामित्वको छोटो भिडियो साझेदारी एप टिकटक डाउनलोड गर्नबाट प्रतिबन्ध लगाइएको थियो।

न्यायाधीशले अस्थायी निषेधाज्ञा जारी गरेपछि टिकटकले अमेरिकामा नयाँ डाउनलोडहरूमा सरकारले आदेश दिएको ब्लकलाई वेवास्ता गरेको छ।

नत्र भिडियो साझेदारी एप्लिकेसनलाई एप्पलको एप स्टोर र एन्ड्रोइडको गुगल प्ले मार्केटप्लेसबाट वाशिगटन डीसीको स्थानीय समयमा मध्यरातपछि हटाइनुपर्ने थियो।

नयाँ निर्णयकासाथ अमेरिकामा आधारित प्रयोगकर्ताहरूले यसलाई प्रयोग गर्न जारी राख्न सक्नेछन्।

कोलम्बिया जिल्लाका लागि अमेरिकी जिल्ला अदालतका न्यायाधीश कार्ल निकोलसले आइतबार राती अबेर ९० मिनेटको सुनुवाइ राखी निषेध आदेश जारी गरेका हुन्।

निर्णयको राय सील गरिएको थियो, यसको मतलब निर्णयको कुनै कारण जारी गरिएको थिएन।

टिकटकले अदालती हस्तक्षेपलाई स्वागत गरे र आफ्नो अधिकारको रक्षा गर्न लडिरहने बताएको छ।

यसअघि टिकटकले यो तर्क दिएको थियो कि आईओएस र एन्ड्रोइड एप स्टोरहरूबाट जबरजस्ती बाहिर निकाल्दा अमेरिकी संविधानको पहिलो र पाँचौं संशोधन उल्लंघन हुने थियो।

अमेरिकाको बाणिय विभागले सो निषेधाज्ञाको पालना गर्ने र आवश्यक कदम चाल्ने बताएको छ ।

अदालतको निषेधाज्ञा यस्तो बेलामा आएको छ जतिबेला टिकटकको मुख्य लगानीकर्ता कम्पनी बाइटडान्स अमेरिकी व्यवसाय बेच्ने बारेमा कम्पनीहरुसँग छलफल गरिरहेको छ ।

तर मुख्य विषय सो कम्पनीमा कसको शेयर धेरै हुने र कसरी संचालन हुनेछ भन्ने अझै स्पष्ट भएको छैन् ।

अमेरिकी सरकारले टिकटकलाई अमेरिकी प्रयोगकर्ताहरुको डाटा चीनको सरकारलाई दिने गरेको आरोप लगाउँदै आएको छ । एजेन्सीका साथ

Sajilo Visa
easy care