काठमाडौं ।
काठमाडौं । फेसबुकले आफ्नो प्लेटफर्ममा फेस मास्कको विज्ञापनलाई प्रतिबन्ध लगाएको छ । कम्पनीले शुक्रबारदेखि कोरोनाभाइरको नाममा मेडिकल फेस मास्क बिक्री गर्न राखिएका विज्ञापनहरुलाई प्रतिबन्ध लगाएको हो ।
‘हामी कोभिड-१९ लाई नजिकबाट अनुगमन गरिरहेका छौं र हामीहरु मेडिकल फेस मास्कहरुको व्यवसायीक लिस्टिंग र बिक्रीलाई प्रतिबन्ध लगाउँदैछौ,’ फेसबुकका प्रडक्ट म्यानेजमेन्ट डाइरेक्टर रोब लेथर्नले ट्विटरमा भनेका छन् ।
फेसबुकले हाल मेडिकल फेस मास्कलाई अस्थाईरुपमा मात्र लिस्टिंग र बिक्रीमा प्रतिबन्ध लगाएको हो । यसका साथमा फेसबुकले बजारमा अनावश्यकरुपमा आकस्मिकता सिर्जना नगराओस भनेर मेडिकल उत्पादनहरुको विज्ञापनलाई पनि सिमित गर्ने भएको छ ।
Update: We’re banning ads and commerce listings selling medical face masks. We’re monitoring COVID19 closely and will make necessary updates to our policies if we see people trying to exploit this public health emergency. We’ll start rolling out this change in the days ahead.
— Rob Leathern (@robleathern) March 7, 2020
यसअघि नै फेसबुकले कोरोनाभाइरसको बारेमा सर्तकता अपनाउँदै कोरोनाभाइरस थिम भएका ग्रुप तथा पेजहरुलाई ब्लक गर्न शुरु गरिसकेको छ ।
विश्वभर कोरोनाभाइरसको त्रास फैलिरहँदा अन्य टेक कम्पनीहरुले पनि भ्रामक जानकारी र सूचनाहरुमा रोक लगाईसकेका छन् ।
प्रकाशित: २४ फाल्गुन २०७६, शनिबार
