काठमाडौं ।
क्लाउडफ्लेयरले २ टेराबाइट प्रति सेकेण्डसम्मको डिस्ट्रिब्युटेड डिनायल-अफ-सर्भिस (DDoS) आक्रमणलाई अवरुद्ध गरेको बताएको छ। यसलाई अहिलेसम्मकै सबैभन्दा ठूलो रेकर्ड गरिएको डिडिओएस आक्रमण भएको कम्पनीले जानकारी दिएको टेकक्रन्चले जनाएको छ।
इन्टरनेट कम्पनीले एक ब्लग पोस्टमा भनेअनुसार यो आक्रमण लगभग १५ हजार ओटा बटहरूबाट सुरु गरिएको थियो । जुन मौलिक मिराई कोडको दूरुपयोग गरिएको इन्टरनेट अफ थिंग्स (IoT) उपकरणहरू र अनप्याच नगरिएको गीटल्याब इन्स्ट्यान्समा चलिरहेको थियो।
डिडिओएस आक्रमण र्यापिड ७ (Rapid7) ले गीटल्याब जोखिमको चेतावनी दिएको दुई हप्ता पछि आएको हो । जसमा सीभीएसएस गम्भीरता मापनमा पूर्ण १०.० मूल्याङ्कन गरियो – जुन आक्रमणकर्तालाई प्रभावित सर्भरमा बोटनेट मालवेयर जस्तै रिमोट रन कोड प्रयोग गर्न अनुमति दिन प्रयोग गर्न सकिन्छ। कम्तिमा ६० हजार इन्टरनेट-फेसिङ गीटल्याब इन्स्ट्यान्सहरू अनप्याच रहेको र्यापिड ७ ले पत्ता लगायो, र चेतावनी दियो कि यसले बगको विवरण सार्वजनिक भएपछि “दूरुपयोग बढ्ने” अपेक्षा गरेको छ।
यसमा कम्पनी गलत थिएन र क्लाउडफ्लेयरले ठूलो डिडिओएस आक्रमणलाई एक हप्ता पछि अवरुद्ध गरेको थियो। आक्रमणको यसको विश्लेषणबाट, क्लाउडफ्लेयर विश्वास गर्दछ कि यो एक मल्टि-भेक्टर आक्रमण थियो जसले यूडीपी फ्लडको साथमा दुबै डिएनएस एम्प्लीफिकेशन आक्रमणहरूलाई संयोजन गरेको थियो।
एक मिनेटभन्दा कम समय चलेको यो आक्रमण अहिलेसम्म देखेको सबैभन्दा ठूलो भएको क्लाउडफ्लेयरले बताएको छ। यो माइक्रोसफ्टले युरोपमा आफ्नो अजुर ग्राहकहरू मध्ये एकलाई लक्षित गर्दै “रेकर्ड-ब्रेकिंग” २.४ टीबीपीएस डिडिओएस आक्रमणलाई रोकेको एक महिना पछि आएको हो।
प्रकाशित: ३० कार्तिक २०७८, मंगलवार
