काठमाडौं ।
शुक्रबार साँझ पोस्ट गरिएको वित्तीय फाइलिङ अनुसार टेस्लाका सीईओ इलन मस्कको ट्रस्टले शुक्रबार टेस्ला स्टकमा करिब १.२ बिलियन डलर बेचेको छ। उनीसँग अझै पनि कम्पनीमा १६ करोड ६० लाख भन्दा बढी शेयरहरू छन्।
मस्कले गत हप्ताको अवधिमा कम्पनीका लगभग ६.९ अर्ब डलर मूल्यको स्टक बेचेका थिए। केही शेयरहरू स्टक अप्सनको अभ्याससँग सम्बन्धित कर दायित्वहरू पूरा गर्न आंशिक रूपमा बेचेको सिएनबीसीले जनाएको छ।
ती बिक्रीले कम्पनीको शेयर मूल्यलाई असर गर्यो। टेस्लाको स्टक हप्ता १५.४ प्रतिशतले घट्यो र यो कम्पनीको बिगत २० महिनामा सबैभन्दा खराब एक-हप्ताको परफरमेन्स भएको थियो। टेस्ला स्टकको लागि यो सबैभन्दा खराब हप्ता पनि थियो।
नोभेम्बर ६ तारिखमा, मस्कले आफ्ना ६ करोड भन्दा बढी ट्विटर फलोअरहरूलाई सेयर बेच्ने कि नबचेन्ने भनेर अनौपचारिक मतदानमा मतदान गर्न आग्रह गरे र उनीहरूको भोटले उनको टेस्ला होल्डिंगको भविष्य निर्धारण गर्ने उनीहरूलाई बताएका थिए।
दर्ता गरिएको वित्तीय कागजातहरूले देखाउँछन् कि सेयर गत हप्ता बिक्रीको लागि निर्धारित गरिएको थियो।
गएको सेप्टेम्बरमा आयोजित कोड सम्मेलनमा उपस्थिति हुँदै मस्कले उनको स्टक अप्सनहरू टेस्लामा समाप्त हुने समयमा उसको सीमान्त करको दर ५० प्रतिशत भन्दा बढी हुने बताएका थिए।
प्रकाशित: २८ कार्तिक २०७८, आईतवार
