काठमाडौं ।
अपडेटः फेसबुकले यो आफ्नो साइटमा भएका समस्याहरुको बारेमा सचेत र जानकार भएको तथा तिनीहरूलाई ठीक गर्नको लागी काम गरीरहेको बताएको छ।
कम्पनीका एक प्रवक्ताले यो समस्याको लागी माफी मागेका छन् तर उनले यो आउटेज किन शुरू भयो वा यसलाई ठीक गर्न कति समय लाग्न सक्छ भन्ने बारे कुनै संकेत दिएनन्।
प्रवक्ता एन्डी स्टोनले ट्विटरमा भने, “हामी जान्दछौं कि केहि मानिसहरुलाई हाम्रो एप र उत्पादनहरुमा पहुँच गर्न समस्या भएको छ। हामी सकेसम्म चाँडो चीजहरुलाई सामान्य रुपमा फिर्ता ल्याउनको लागी काम गरिरहेका छौं, र हामी कुनै पनि असुविधाको लागी माफी चाहन्छौं।”
विश्वभर लोकप्रिय सामाजिक सञ्जाल फेसबुक सहित कम्पनीका सबै एपहरु डाउन भएको छ । सोमबार अहिले राति ९ बजेपछि फेसबुकका साथै त्यसका अन्य सेवाहरु म्यासेञ्जर, ह्वाट्सएप र इन्स्टाग्राम डाउन भएको हो ।
नेपाल सहित विश्वभर फेसबुक, म्यासेञ्जर, ह्वाट्सएप र इन्स्टाग्रामको सेवा बन्द भएको हो। यो समाचार तयार पार्दासम्म कम्पनीका सबै सेवाहरु अचानक बन्द भई चलेका छैनन्।
वेबसाइट डाउन भएको रिपोर्ट दिने डाउन डिटेक्टरमा प्रयोगकर्ताले फेसबुकका सबै सेवाहरु डाउन भएको रिपोर्ट गरेका छन् । फेसबुकको सेवा अवरुद्ध भएको बारेमा हालसम्म ८० हजार भन्दा धेरैले डाउन डिटेक्टरमा रिपोर्ट गरेका छन् ।
यो समस्या वेबसाइटहरु, एपहरु, र फेसबुक नेटवर्कमा सबै सम्बन्धित सेवाहरु डाउन भएको जस्तो देखिन्छ। केहिको लागी, एपहरु र वेबसाइटहरु बिल्कुलै लोड भएका छैनन्।
यस बारेमा हालसम्म फेसबुकले केहि भनेको छैन् ।
प्रकाशित: १८ आश्विन २०७८, सोमबार
