एनसीएचएलको आईपीएस प्रणालीमा दिउँसो ३ बजेसम्म कारोबार हुने

काठमाडौं ।

नेपाल क्लियरिङ हाउस लिमिटेड (एनसीएचएल) बाट संचालित अन्तरबैंक भुक्तानीको समयसीमा बढेको छ। पछिल्लो समय अनलाइन भुक्तानीको उपयोगिता बढेको भन्दै कम्पनीले आईपीएस प्रणालीमा बिहान ९ बजेदेखि बेलुका ३ बजेसम्म भुक्तानी भएका आदेशहरु सोही दिन फर्छ्यौट हुने व्यवस्था मिलाएको हो।

यो सुविधा आईतबारदेखि बिहीबारसम्म लागु हुनेछ । हालसम्म बिहान १० बजेदेखि दिउँसो १ बजेसम्म भुक्तानी भएका आदेशहरुमात्रै सोही दिन फर्छ्यौट हुने व्यवस्था थियो । कम्पनीले सोमबारदेखि नै लागु हुनेगरी टी प्लस जिरोको व्यवस्था गरेको हो ।

यस्तै नयाँ तालिकाबाहेकका भुक्तानी अर्थात ३ बजेपछि आएका भुक्तानी आदेशहरु भन अर्को दिनमा फर्छौट हुने व्यवस्था यथावत् रहने कम्पनीले जानकारी दिएको छ । त्यसै गरी दिनको ३स्३० बजेसम्म प्राप्त भएका बैंकको आफ्नो ट्रेजरी पेमेन्ट सम्बन्धी भुक्तानी आदेशहरु सोही दिनमा फर्छौट हुने छन् । शुक्रबारको दिन १२ः३० बजे सम्म प्राप्त भएका भुक्तानी आदेशहरु पनि सोही दिनमा फर्छौट हुने व्यवस्था मिलाईएको एनसीएचएलले जानकारी दिएको छ।

हाल नगद तथा कागजमा आधारित भुक्तानीहरु भन्दा डिजिटल भुक्तानीको लोकप्रियता बढे सँगै एनसीएचएल आईपीएसमा वृद्धि भएको समय सीमाले ग्राहकहरुलाई थप सुविधा हुने विश्वास गरिएको छ।